- بشام خود کش حملہ؛ پاکستان سیکیورٹی بڑھائے اور سیکیورٹی رسک مکمل ختم کرے، چین
- عمران خان کا پیغام پوری طرح نہیں پہنچایا جا رہا، پی ٹی آئی اجلاس میں قانونی ٹیم پر تنقید
- جون تک پی آئی اے کی نجکاری کا عمل مکمل کرلیا جائے گا، وزیرخزانہ
- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
کراچی میں ڈکیتوں کا راج، مزاحمت پر 3 قتل، نیا گروپ متحرک، شہریوں میں خوف
کراچی: شہرقائد میں ڈاکوؤں کا راج بدستور جاری ہے۔ گزشتہ روز بھی ڈکیتی میں مزاحمت پر 3 افراد کو قتل کردیا گیا جب کہ شہر میں ایک نیا ڈکیت گروپ بھی متحرک ہوگیا، جس کے بعد شہریوں میں خوف پایا جاتا ہے۔
ایکسپریس نیوز کے مطابق کراچی کے مختلف علاقوں میں ڈکیتی کی وارداتوں کا سلسلہ جاری ہے جب کہ پولیس کی جانب سے خاطر خواہ کارروائیاں نہ ہونے کے باعث شہر میں ایک نیا ڈکیت گروپ بھی متحرک ہوگیا، جسے چڈا گروپ کے نام سے جانا جا رہا ہے۔ ذرائع کے مطابق چڈا گروپ کھلے عام مصروف ترین شاہراہوں پر ٹریفک اور رش کے دوران بھی بلاخوف و خطر لوٹ مار میں مصروف ہے۔
سماجی رابطوں کی ویب سائٹس پر نئے چڈا گروپ کی وارداتوں کی وڈیوز بھی وائرل ہو رہی ہیں، جن میں دیکھا جا سکتا ہے کہ موٹر سائیکل پرسوار 2 کارندے نارتھ ناظم آباد بلاک اے کے کمرشل علاقے میں بینک کے عین سامنے دن دیہاڑے اسلحہ کے زور پر شہری سے لوٹ مار کر رہے ہیں۔واردات کی وڈیو ایک شہری کی جانب سے بنائی گئی جو سوشل میڈیا پر وائرل ہو گئی۔
ایک دوسری سی سی ٹی وی فوٹیج میں اسلحہ کے زورپرایک شہری کو لوٹنے کی کوشش دیکھی جا سکتی ہے، تاہم شہری اپنی ہوشیاری سے بچ نکلنے میں کامیاب ہوگیا۔ نئے چڈا گروپ کے متحرک ہونے پرشہریوں میں خوف و ہراس پھیل گیا ہے۔ شہریوں نے پولیس حکام اور سندھ حکومت سے مطالبہ کیا گیا ہے جرائم پیشہ گروپوں کے خلاف فوری موثر کارروائی کی جائے۔
مزاحمت پر قتل کے واقعات
دوسری جانب شہر میں گزشتہ روز ڈکیتی کی مختلف کارروائیوں کے دوران مزاحمت پر 3 افراد سے جینے کا حق چھین لیا گیا۔ اورنگی ٹاؤن سیکٹر فور ایف بجلی نگرمیں ڈکیتی کی واردات کے دوران مزاحمت پر محنت کش کو قتل کردیا گیا۔ مومن آباد تھانے کی حدود میں نامعلوم مسلح ملزمان نے مزاحمت پر گولی ماری، جس میں زخمی ہونے والے 25 سالہ محمد عثمان ولد قاسم کو اسپتال منتقل کیا جا رہا تھا کہ وہ زخموں کی تاب نہ لاتے ہوئے جانبر نہ ہو سکا۔
علاوہ ازیں گلستان جوہر میں بھی ایک واردات کے دوران مزاحمت پر ایک شخص کو قتل کردیا۔ مرنے والوں میں جناح اسپتال کے قریب قائم کڈنی سینٹر کا ایچ آر منیجر ذیشان بھی شامل ہے۔دریں اثنا اقبال مارکیٹ تھانے کےعلاقے اورنگی ٹاؤن سیکٹر ساڑھے گیارہ رئیس امروہی کالونی میں ڈکیتی کی واردات کے دوران مزاحمت پر رضوان ولد انعام اللہ زخمی ہو گیا۔ پولیس نے واقعات کی تفتیش شروع کردی ہے۔
ڈاکوؤں کے ساتھ مبینہ پولیس مقابلے
دریں اثنا عید گاہ پولیس نے رنچھور لائن میں مبینہ مقابلے میں ایک ڈاکوکوہلاک کردیا جبکہ اس کے ساتھی فرار ہونے میں کامیاب ہوگئے۔ جوبلی مارکیٹ کے قریب مبینہ پولیس مقابلے میں ہلاک ہونے والےڈاکو کی لاش سول اسپتال منتقل کی گئی۔ پولیس کے مطابق ڈاکو کی شناخت 45 سالہ محمد فیصل ولد عبدالستار کے نام سے کی گئی، جس کے قبضے سے ٹی ٹی پستول اورایک موٹرسائیکل برآمد کرلی گئی ہے۔ پولیس فرار ڈاکوؤں کی گرفتاری کے لیے چھاپے مار رہی ہے۔
علاوہ ازیں الفلاح اورگلبرگ پولیس نے بھی 2 مبینہ پولیس مقابلوں میں 3 زخمی ملزمان سمیت 4 ملزمان کوگرفتارکرکے ان کے قبضے سے اسلحہ ،موبائل فونزاورموٹرسائیکلیں برآمد کرلیں۔ زخمی حالت میں گرفتار ملزمان کی شناخت 26انور ولد اسلم اور22 سالہ رضوان ولد ناصرکے نام سے کی گئی، جن کے قبضے سے ایک ٹی ٹی پستول ،4 راؤنڈ اورایک 125 موٹر سائیکل برآمد کرلی گئی ہے۔
ڈکیتی میں مزاحمت پر 3 افراد زخمی
شہرکے مختلف علاقوں میں فائرنگ کے دیگر واقعات میں 3 افراد زخمی ہو گئے ۔ ہفتے کی صبح شیرشاہ کے علاقے گلبائی لیاری ایکسپریس کے قریب فائرنگ سے ایک شخص زخمی ہو گیا،جس کی شناخت 50 سالہ طیب ولد محبت حسین کے نام سے کی گئی ۔ پولیس کے مطابق زخمی سکیورٹی گارڈ ہے اور واقعہ ڈکیتی میں مزاحمت کے دوران پیش آیا۔ جمعہ اور ہفتے کی درمیانی شب نارتھ نارتھ ناظم آباد بورڈ آفس کے قریب فائرنگ سے ایک شخص زخمی ہو گیا جس کی شناخت 45 سالہ واجد ولدافضل کے نام سے کی گئی۔ یہ واقعہ بھی ڈکیتی کی واردات کے دوران مزاحمت پرپیش آیا۔
محمود آباد تھانے کے علاقے اخترکالونی کے قریب نامعلوم مسلح ملزمان کی فائرنگ سے ایک شخص زخمی ہو گیا جس کی شناخت30 سالہ شمس الرحمان کے نام سے کی گئی ۔ پولیس کے مطابق فائرنگ کا واقعہ ذاتی تنازع کا شاخسانہ ہے۔
پولیس نے تمام واقعات کی تفتیش شروع کردی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔