میرپورآزاد کشمیر میں لوگوں نے 20 فٹ لمبا اژدھا پکڑ لیا

ویب ڈیسک  ہفتہ 3 ستمبر 2022
—فوٹو

—فوٹو

منگلا: میرپور آزاد کشمیر کے علاقے چترپڑی میں مکینوں نے 20 فٹ سے زائد لمبا انڈین راک پائتھن (اژدھا) پکڑ لیا۔ 

تفصیلات کے مطابق چترپڑی میں سانپ نے بکری کو مار دیا تو اہل علاقہ نے سانپ پر لاٹھیوں کی بارش کرکے ماردیا۔

سوشل میڈیا پر وائرل ہونے والی ویڈیو میں دیکھا جا سکتا ہے کہ چند نوجوانوں نے ہلاک کیے جانے والے اژدھا کو اٹھا کر بالائی طرف جاررہے ہیں۔

اس حوالے سے متعدد سوشل میڈیا صارفین نے افسوس کا اظہار کیا کہ اژدہا زہریلا نہیں ہوتا اس لیے اسے مارنے کی ضرورت نہیں تھی۔ خیال رہے کہ اس سے قبل بھی لوگوں کو اژدھا ملے لیکن معلومات کی کمی کے باعث لوگ اژدھا کو کسی محفوظ مقام پر متنقل کرنے یا وائلد لائف کو آگاہ کرنے کے بجائے خود ہی انتہائی اقدام اٹھا لیتے ہیں۔

اسسٹنٹ ڈائریکٹر وائلڈ لائف میرپور ڈویژن کا نوٹس 

معاملہ منظرعام پرآنے کے بعد اسسٹنٹ ڈائریکٹر وائلڈ لائف میرپور ڈویژن نے اژدھا کو ہلاک کرنے والے افراد کے خلاف کارروائی کا عندیہ دے دیا۔

ساجد نے کہا کہ تمام ملوث افراد کے خلاف کیس مجسٹریٹ کے پاس کی جائے گا۔ انہوں نے مزید کہا کہ سانپ کے حملے میں ہلاک ہونے والی بکری کے مالک کے نقصان کا ازالہ کیا جائے گا۔

اسسٹنٹ ڈائریکٹر ساجد بکری مالک کے حوالے سے تبایا کہ بکری کی قیمت 50 ہزار روپے تھی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔