سیلاب سے 80 اضلاع کے 3 کروڑ 30 لاکھ افراد متاثر

ویب ڈیسک  اتوار 4 ستمبر 2022
(فوٹو: فائل) ملک بھر میں سیلاب کے باعث ہلاکتوں کی تعداد 1290 ہوگئی

(فوٹو: فائل) ملک بھر میں سیلاب کے باعث ہلاکتوں کی تعداد 1290 ہوگئی

اسلام آ باد: نیشنل فلڈ رسپانس اینڈ کوآرڈی نیشن (این ایف آر سی سی) نے قدرتی آفت سے متاثرہ اضلاع کی تفصیلات جاری کردی۔

ایکسپریس نیوز کے مطابق نیشنل فلڈ رسپانس اینڈ کوآرڈی نیشن نے بتایا کہ ملک بھر میں 80 اضلاع بارشوں اور سیلاب کی شکل میں قدرتی آفت سے متاثر ہوئے جس میں بلوچستان کے 31، سندھ کے 23، خیبر پختون خوا کے 17، گلگت بلتستان 6 اور پنجاب 3 اضلاع شامل ہیں۔

این ایف آر سی سی کا کہنا ہے کہ ملک بھر میں 3 کروڑ 30 لاکھ 46 ہزار افراد سیلاب اور شدید بارشوں کے باعث متاثر ہوئے جن میں آزاد کشمیر کے 53 ہزار 700،بلوچستان کے 91 لاکھ 82 ہزار 616، خیبر پختون خوا کے 43 لاکھ، گلگت بلتستان کے 51 ہزار، پنجاب کے 48 لاکھ 44 ہزار اور سندھ کے 1 کروڑ 45 لاکھ شہری متاثر ہوئے۔

مزید پڑھیں: ملک بھر میں سیلاب سے جاں بحق افراد کی تعداد 1290 ہوگئی

دوسری جانب ملک بھر میں سیلاب کے باعث ہلاکتوں کی تعداد 1280 سے تجاوز کرچکی ہے جبکہ سیلاب اور مخلتف حادثات میں جاں بحق ہونے والوں میں 570 مرد، 259 خواتین اور 453 بچے شامل ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔