قومی کرکٹ ٹیم کی فتح پر شائقین کا جشن؛ شہریوں کا والہانہ رقص

اسپورٹس رپورٹر  پير 5 ستمبر 2022
—فوٹو

—فوٹو

کراچی: ایشیا کپ ٹی ٹوئنٹی کرکٹ ٹورنامنٹ کے سپر فور مرحلے کے سنسنی خیز مقابلے میں  بھارت کو 5 وکٹوں سے شکست دینے والی قومی ٹیم کی فتح پر شائقین نے خوب جشن منایا ہے۔

کراچی میں روایتی حریفوں  پاک بھارت کے درمیان  کرکٹ ٹاکرے کو براہ راست دکھانے کے لیے  مختلف  مقامات پر بڑی اسکرینز لگائی گئیں تھیں، ان میں  کراچی پریس کلب، آرٹس کونسل آف پاکستان کراچی ، پورٹ گرینڈ، فرئیر ہال، کے ایم سی بلڈنگ اور دیگر مقامات شامل تھے۔

نشیب و فراز کے مراحل سے گزرنے والے اس مقابلے کے دوران شائقین نے پرجوش انداز میں تالیاں بجا کر  قومی ٹیم اور کھلاڑیوں کی حوصلہ افزائی کی اور شاندار کارکردگی پر نعرے بازی کی۔

شائقین کرکٹ  نےروائیتی لباس میں ملبوس ڈھول کی تھاپ پر والہانہ رقص کیا اور جیت کا خوب جشن منایا۔ کرکٹ کے مداحوں کا کہنا تھا کہ ہماری دعائیں ٹیم کے ساتھ ہیں، ٹیم کا مورال بلند ہے، فائنل میں بھی کامیابی پاکستان کا مقدر ہوگی اور قومی ٹیم ایشیا کپ کی فاتح بن کر واپس وطن لوٹے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔