سندھ میں ریلیف کیمپوں میں ٹینٹ اسکول قائم کر دیا گیا

 کراچی: سندھ میں سیلاب سے بچوں کی تعلیم متاثر ہونے کے خدشے کے پیش نظر صوبے بھر میں ریلیف کیمپوں میں ٹینٹ اسکول قائم کرنے کا آغاز کر دیا گیا۔

وزیر تعلیم سندھ سید سردار شاہ نے عمر کوٹ میں پہلے ٹینٹ اسکول کا افتتاح کر دیا ہے، وزیر تعلیم سندھ نے سیلاب متاثرہ بچوں کے ساتھ ٹینٹ اسکول میں وقت بھی گزرا۔

وزیر تعلیم نے سیکریٹری تعلیم کو سندھ بھر میں ریلیف کیمپوں میں اسکولز قائم کرنے کا حکم دیا ہے۔

The #SindhGovt Minister for Education is teaching flood affected children in first Tent school set up at Umerkot by the department. #TentSchoolInSindh#FloodsInPakistan #FloodsInSindh @BBhuttoZardari @MuradAliShahPPP @sardarshah1 pic.twitter.com/TIF5Wd3Eu1

— Minister Education & Literacy Dept. Govt of Sindh (@MinisterEduGoS) September 5, 2022

سید سردار شاہ نے کہا کہ سیلاب کے باعث متاثرہ اسکول اور دربدر ہونے والے بچوں کی تعلیم متاثر ہونے نہیں دیں گے اس لیے ٹینٹ اسکول میں بچوں کی تعلیم کو جاری رکھا جائے گا، موجودہ صورتحال میں یہ اقدام نہ اٹھاتے تو 25 لاکھ بچے اسکولز سے باہر ہو جاتے۔

وزیر تعلیم سندھ کی طرف سے متعلقہ ڈپٹی کمشنر اور ڈسٹرکٹ ایجوکیشن افسران کو ریلیف کیمپوں میں ٹینٹ اسکول قائم کرکے نگرانی کا حکم دیا گیا ہے۔