فخر زمان کو تنقید کا نشانہ بنانے پر شان شاہد کو ٹرولنگ کا سامنا

ویب ڈیسک  منگل 6 ستمبر 2022
(فائل فوٹو)

(فائل فوٹو)

کراچی: اداکار شان شاہد کو قومی کرکٹر فخر زمان کو ان کی پرفارمنس کیلئے تنقید کا نشانہ بنانا مہنگا پڑگیا۔

پاکستان شوبز انڈسٹری کے سُپر اسٹار شان شاہد نے پاک بھارت ٹاکرے کے بعد اپنی ایک ٹوئٹ میں قومی کرکٹر فخر زمان کو ان کی پرفارمنس پر تنقید کا نشانہ بنایا تھا۔

اداکار شان شاہد نے ٹوئٹ میں فخر زمان کی ناقص پرفارمنس کے حوالے سے  لکھا تھا کہ’’ فخر نے 16 گیندوں پر 15 رنز بنائے، انہوں نے فخر زمان پر طنز کرتے ہوئے مزید لکھا کہ اور آپ قومی کرکٹ ٹیم میں کھیل رہے ہیں، واہ‘‘۔

اس ٹوئٹ پر ردِعمل دیتے ہوئے ٹوئٹر صارفین اور قومی کھلاڑی کے مداحوں نے شان شاہد کو ٹرول کرنا شروع کردیا۔


ایک ٹوئٹر صارف نے شان شاہد کو جواب دیتے ہوئے لکھا کہ سر آپ کی 500 فلموں میں سے صرف  2 یا 4 ہی دیکھنے والی ہیں، کیا فخر نے کبھی آپ کو کچھ بولا؟

ایک اور صارف نے شان شاہد سے سوال کرتے ہوئے پوچھا کہ تو کیا آپ نے بطور ہیرو تمام بلاک بسٹرز فلمیں دی ہیں؟


یاد رہے کہ پاکستان نے بھارت کے خلاف ایشیا کپ کے سُپر 4 مرحلے میں  5 وکٹوں سے شاندار کامیابی حاصل کی تھی جس میں جہاں فخر زمان اچھی پرفارمنس نہ دکھا سکے وہیں محمد رضوان اور محمد نواز نے ٹیم کو کامیانی سے ہمکنار کروایا  اور سیمی فائنل میں جگہ بنائی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔