احسن خان کا سیلاب زدگان امدادی کیمپ کا دورہ، بڑی رقم عطیہ کردی

ویب ڈیسک  منگل 6 ستمبر 2022
پاکستان شوبز انڈسٹری سے تعلق رکھنے والی شخصیات مخلتف اداروں کی جانب سے لگائے گئے امدادی کیمپ میں اپنا حصہ ڈال رہے ہیں(فائل فوٹو)

پاکستان شوبز انڈسٹری سے تعلق رکھنے والی شخصیات مخلتف اداروں کی جانب سے لگائے گئے امدادی کیمپ میں اپنا حصہ ڈال رہے ہیں(فائل فوٹو)

کراچی: پاکستان شوبز انڈسٹری کے معروف اداکار احسن خان نے کراچی میں  موجود سیلاب زدگان مہم  کیلئے متحرک رہنے والے ادارے الخدمت کا دورہ کیا ہے۔

فلموں اور ڈراموں میں بہترین اداکاری کے جوہر دکھانے والے احسن خان سیلاب زدگان کی امداد کیلئے بھی  بڑھ چڑھ کر حصہ لے رہے ہیں۔

احسن خان نے گزشتہ شب غیر سرکاری تنظیم الخدمت کراچی کے مرکزی ریلیف کیمپ  کا دورہ کیاجہاں انہوں نے  امیر جماعت اسلامی و صدر الخدمت کراچی حافظ نعیم الرحمن سے ملاقات بھی کی۔


اداکار نے ادارے کی جانب سے سیلاب زدگان  کی امداد کیلئے کئے جانے والے اقدامات کو سراہتے ہوئے خود بھی سیلاب زدگان کیلئے  ایک بڑی رقم عطیہ کی۔

احسن خان نے کہا کہ جب ہم اپنے ہم وطن بہن بھائیوں کو تکلیف میں دیکھتے ہیں تو ہم سے برداشت نہیں ہوتا  ملکی اور غیر ملکی تمام این جی اوز سیلاب زدگان کی امداد کیلئے بھرپور کام کر رہی ہیں اور اس کیلئے میں ان کا دل سے شکر گزار ہوں۔

یاد رہے کہ پاکستان شوبز انڈسٹری سے تعلق رکھنے والی شخصیات مخلتف اداروں کی جانب سے لگائے گئے امدادی کیمپ میں اپنا حصہ ڈال رہے ہیں اور عوام کو بڑھ چرھ کر سیلاب زدگان کیلئے عطیات دینے کا پیغام دے رہے ہیں۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔