- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
نئے چیف الیکشن کمشنر کیلیے فخر الدین جی ابراہیم کے نام پر اتفاق
اسلام آباد / کراچی: حکومت اور اپوزیشن جماعتوں نے چیف الیکشن کمشنر کے عہدے کے لیے سینئر قانون دان اورسپریم کورٹ کے سابق جج جسٹس (ر) فخر الدین جی ابراہیم کے نام پر اتفاق کر لیا ہے۔پیرکوچیف الیکشن کمشنر کے نام پراتفاق رائے کے لیے قائم 12 رکنی پارلیمانی کمیٹی کا اجلاس وفاقی وزیر سیدخورشید شاہ کی سربراہی میںہوا ، اجلاس میں پیپلزپارٹی کے اسلام الدین شیخ، ن لیگ کے راجا ظفرالحق،عبدالقادر بلوچ ، ایم کیوایم کے فاروق ستار، اے این پی کے حاجی عدیل اور جے یوآئی کے مولاناعبدالغفورحیدری نے شرکت کی،
اجلاس میںاپوزیشن لیڈرکی جانب سے تجویزکردہ فخر الدین جی ابراہیم،جسٹس شاکر اﷲ جان اورجسٹس(ر)ناصراسلم زاہد جبکہ وزیراعظم کی جانب سے تجویز کردہ منیر اے شیخ ، جسٹس (ر) امیرالملک مینگل اور جسٹس (ر) نسیم سکندر کے ناموں پر غور کیا گیا، ایم کیوایم نے بھی جسٹس(ر) ناصراسلم زاہداور اے این پی نے جسٹس (ر) سردار رضا خان کا نام تجویز کیا تھا تاہم کمیٹی کے شرکاء نے فخر الدین جی ابراہیم کے نام پر اتفاق اور اعتماد کااظہارکیا،چیف الیکشن کمشنر کاعہدہ حامد علی مرزا کی مدت ختم ہونے کے بعد 24مارچ سے خالی تھا۔
کمیٹی اپنی سفارشات وزیراعظم کو ارسال کرے گی، وزیراعظم کی ایڈوائس پرصدر کی جانب سے توثیق کے بعد فخر الدین جی ابراہیم عہدے کاحلف اٹھائیںگے،سپریم کورٹ کے چیف جسٹس ان سے حلف لیں گے، نئے چیف الیکشن کمشنر کاعہدہ 5سال کے لیے ہوگا۔ اجلاس کے بعد میڈیا سے گفتگو میں خورشید شاہ نے کہاکہ موجودہ جمہوری حکومت نے آزاد اور شفاف الیکشن کمیشن کے قیام کاوعدہ پورا کردیا،فخرالدین جی ابراہیم تجربہ کار اور غیر متنازع شخص ہیں،غیرجانبدارچیف الیکشن کمشنر کے تقررسے میثاق جمہوریت پر90 فیصد عمل ہوگیا،اپوزیشن کے تجویز کردہ چیف الیکشن کمشنر پر اتفاق سے یہ ثابت ہوگیاکہ آئندہ الیکشن میں کوئی دھاندلی نہیں چاہتا ۔
دریں اثناء صدر زرداری اور وزیراعظم راجا پرویزاشرف نے چیف الیکشن کمشنر کے نام پر اتفاق رائے پر پارلیمانی کمیٹی کے اراکین کو مبارکباددی ہے ، اپنے تہنیتی پیغام میں صدر نے کہا کہ صاف شفاف انتخابات ہی سیاسی استحکام کے لیے سنگ میل ثابت ہو سکتے ہیں، صدر نے فخرالدین جی ابراہیم کو بھی مبارکباد دیتے ہوئے کہا کہ چیف الیکشن کمشنر کے عہدے کے لیے ان کی نامزدگی ان کی اہلیت کاثبوت ہے۔ قومی اسمبلی میںقائد حزب اختلاف چوہدری نثارعلی خان نے بھی فخر الدین جی ابراہیم کے نام پر اتفاق رائے کو خوش آئند قراردیتے ہوئے کہاکہ پارلیمنٹ کے اندراور باہر تمام اپوزیشن جماعتوں کی مشاورت سے ان کا نام تجویزکیا تھا، انھوں نے کہاکہ عبوری حکومت کے قیام کے لیے بھی یہی طریقہ کار اپنائیں گے۔
ایم کیوایم نے بھی فخرالدین جی ابراہیم کی تقرری کا خیرمقدم کیا ہے ، رابطہ کمیٹی کے ایک بیان میں کہا گیا ہے کہ فخرالدین ابراہیم صاف شفاف اور غیر جانبدارانہ الیکشن کے انعقاد کو یقینی بنائیں گے۔ادھر ایک ٹی وی رپورٹ کے مطابق فخرالدین جی ابراہیم نے کہا ہے کہ انہیں تقرری کے بارے میں باضابطہ طور پر آگاہ نہیں کیا گیا ، اپنی ترجیحات سے جلد میڈیا کو آگاہ کروں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔