کوئٹہ میں لاپتہ افراد کے اہل خانہ کا 50 روز سے جاری دھرنا ختم

 کوئٹہ: وزیراعظم شہباز شریف کی جانب سے لاپتہ افراد کے لیے قائم کی گئی کمیٹی کی یقین دہانی پر لاپتہ افراد کے اہل خانہ نے کوئٹہ میں 50 روز سے جاری دھرنا ختم کر دیا۔

وزیر قانون بیرسٹر اعظم نزیر تارڑ، وزیر داخلہ رانا ثناء اللہ خان،  شازیہ مری، آغا حسن بلوچ اور بیرسٹر کامران مرتضیٰ کمیٹی میں شامل تھے۔

Went to Quetta today to meet the families of missing persons, along with the members of the committee formed on the special directives of Prime Minister. The participants of the sit-in agreed to end their protest on the assurance of committee for which we are thankful to them.

— Rana SanaUllah Khan (@RanaSanaullahPK) September 8, 2022

وزیراعظم کی ہدایت پر کمیٹی کے ارکان نے دھرنے کے شرکاء سے مذاکرات کیے، وزیراعظم کی تشکیل کردہ کمیٹی کی یقین دہانی پر دھرنہ ختم کیا گیا۔ کمیٹی ارکان نے دھرنہ ختم کرنے پر شرکاء اور لاپتہ افراد کے لواحقین کا شکریہ ادا کیا۔

واضح رہے کہ لاپتہ افراد کے اہل خانہ نے ریڈ زون کوئٹہ میں دھرنہ دیا ہوا تھا۔