خواجہ آصف کیخلاف ہرجانہ کیس میں  التوا مانگنے پر عمران  خان پر 5 ہزار روپے جرمانہ

ویب ڈیسک  ہفتہ 10 ستمبر 2022
التوا کی درخواست کے باعث عمران خان کے بیان پر جرح بھی مؤخر کردی گئی (فوٹو فائل)

التوا کی درخواست کے باعث عمران خان کے بیان پر جرح بھی مؤخر کردی گئی (فوٹو فائل)

 اسلام آباد: ایڈیشنل سیشن جج عدنان خان نے خواجہ آصف کے خلاف ہرجانہ کیس میں التوا مانگنے پر عمران خان پر 5 ہزار روپے جرمانہ عائد کردیا۔

ایکسپریس نیوز کے مطابق چیئرمین پی ٹی آئی عمران خان نےجلسوں میں مصروفیات کے باعث لیگی رہنما خواجہ آصف کے خلاف 10 ارب روپے ہرجانے کے کیس میں التوا کی درخواست دی ہے۔

درخواست کی سماعت میں خواجہ آصف کے وکیل علی شاہ گیلانی ایڈووکیٹ عدالت میں پیش ہوئے ، تاہم التوا کی درخواست کے باعث ان کی عمران خان کے بیان پر جرح مؤخر کردی گئی۔  عدالت نے عمران خان کے وکلا کی  جانب سے سماعت ملتوی کرنے کی استدعا منظور کرتے ہوئے ان پر 5 ہزار روپے جرمانہ عائد کردیا۔

عدالت نے عمران خان کی جانب سے خواجہ آصف کے خلاف 10 ارب روپے ہرجانے کے دعویٰ کے کیس کی سماعت 24 ستمبر تک ملتوی کردی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔