اروشی نے بھی نسیم شاہ کے ساتھ شیئر ویڈیو پر خاموشی توڑ دی

ویب ڈیسک  اتوار 11 ستمبر 2022
(فوٹو: ایکسپریس ویب) ایڈیٹ شدہ ویڈیو سوشل میڈیا پر خوب وائرل ہوئی

(فوٹو: ایکسپریس ویب) ایڈیٹ شدہ ویڈیو سوشل میڈیا پر خوب وائرل ہوئی

 ممبئی: بھارتی اداکارہ اروشی روٹیلا نے قومی کرکٹ ٹیم کے فاسٹ بولر نسیم شاہ کے ساتھ پوسٹ کی گئی ویڈیو اسٹوری پر خاموشی توڑ دی۔

بالی ووڈ اداکارہ اروشی روٹیلا نے انسٹاگرام پوسٹ پر لکھا کہ ’’کچھ روز قبل میری ٹیم نے فینز کی ایڈیٹ 11 سے 12 خوبصورت ویڈیوز کا ایک کلکشن اَپ لوڈ کیا تھا جن میں موجود لوگوں کا کسی کو علم نہیں تھا کون ہیں، میری میڈیا سے درخواست ہے کہ برائے مہربانی کسی بھی قسم کی خبریں بنانے سے گریز کریں‘‘۔

مزید پڑھیں: اروشی کے ساتھ شیئر ہوئی ویڈیو پر نسیم شاہ کا ردعمل سامنے آگیا

قبل ازیں گزشتہ روز نوجوان پیسر نسیم شاہ نے اداکارہ کے اکاؤنٹ سے شیئر ہوئی ویڈیو پر بات کرتے ہوئے ردعمل دیا تھا کہ مجھے نہیں معلوم اروشی روٹیلا کون ہیں، میں تو گراؤنڈ میں کھیلتا ہوں، لوگ ویڈیوز وغیرہ بھیجتے ہیں۔

Arushi actress naseem shah

ایشیاکپ میں پاک بھارت میچ کے بعد اروشی روٹیلا کی جانب سے فاسٹ بولر نسیم شاہ کی ویڈیو اسٹوری پوسٹ کی گئی تھی، جس میں اداکارہ کو نسیم شاہ پر فریفتہ ہوتے دیکھا جاسکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔