اداکارہ سجل علی کی عمران خان کے بیٹوں کے ہمراہ تصاویر وائرل

ویب ڈیسک  اتوار 11 ستمبر 2022
اداکارہ نے ٹورنٹو  فلم فیسٹیول میں میں شرکت کی۔ فوٹو: انسٹاگرام

اداکارہ نے ٹورنٹو فلم فیسٹیول میں میں شرکت کی۔ فوٹو: انسٹاگرام

ٹورنٹو: پاکستانی اداکارہ سجل علی کی چیئرمین تحریک انصاف عمران خان کے بیٹوں کے ہمراہ تصاویر وائرل ہوگئیں۔

اداکارہ نے ٹورنٹو انٹرنیشنل فلم فیسٹیول میں اپنی فلم ’واٹس لَو گوٹ ٹو ڈو ود اٹ؟‘ کے پریمیئر میں شرکت کی۔

فلم عمران خان کی سابقہ اہلیہ اور  برطانوی فلم ساز جمائما گولڈ اسمتھ کی تخلیق کردہ ہے جو اس کی  شریک پروڈیوسر سمیت مصنفہ بھی ہیں۔

فلم کے پریمیئر میں عمران خان اور جمائما کے دونوں بیٹوں سلیمان اور قاسم خان نے بھی شرکت کی۔

ایونٹ کے ریڈ کارپٹ پر فلم کی دیگر کاسٹ کے علاوہ سجل علی کی عمران خان کےدونوں بیٹوں کے ساتھ بھی تصاویر بنائی گئیں جو اب سوشل میڈیا پر وائرل ہورہی ہیں۔

ادکارہ اور کپتان کے مداح ان تصاویر کو خوب پسند کررہے ہیں اور اپنی رائے کا اظہار بھی کررہے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔