پی ڈی ایم الیکشن سے پہلے ٹوٹ جائے گی، شیخ رشید

ویب ڈیسک  پير 12 ستمبر 2022
مفتاح اسماعیل کے رونے سے معیشت ٹھیک نہیں ہوگی،شیخ رشید:فوٹو:فائل

مفتاح اسماعیل کے رونے سے معیشت ٹھیک نہیں ہوگی،شیخ رشید:فوٹو:فائل

 راولپنڈی: سابق وزیرداخلہ اورعوامی مسلم لیگ کے سربراہ شیخ رشید کا کہنا ہے کہ پی ڈی ایم الیکشن سے پہلے ٹوٹ جائے گی۔

شیخ رشید نے ٹوئٹر پر بیان میں کہا کہ ن اور ش کی سیاست آرپار ہوجائے گی اور پی ڈی ایم الیکشن سے پہلے ٹوٹ جائے گی۔ اقوام متحدہ کا خطاب ایک بہانہ ہے اصل میں نوازشریف کو منانا ہے۔

شیخ رشید کا کہنا تھا کہ گندم کی قیمت 2 ہزار سے 4 ہزار من مقرر کرنا غریب کو گھاس کھانے پر مجبور کرنا ہے۔ مفتاح اسماعیل کے رونے سے معیشت ٹھیک نہیں ہوگی۔

انہوں نے کہا کہ اگر2 مہینوں میں سیلابی پانی نہیں نکالا تو گندم ، کپاس اور گنے کی بوائی نہیں ہوسکے گی جس سے غذائی بحران پیدا ہوگا۔ سردیوں سے پہلے ہی گیس کا شارٹ فال شروع ہوگیا ہے۔

شیخ رشید کا مزید کہنا تھا کہ اقوام متحدہ کے سیکریٹری جنرل کو بھی چندے کی ایمان داری کی یقین دہانی کرائی جارہی ہے۔ نہ کوئی غیرملکی امداد ملی نہ ملکی امداد کی ساکھ ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔