صوفیہ مرزا کی بچیوں کی حوالگی سے متعلق کیس، توہین عدالت کی درخواست خارج کردی گئی

ویب ڈیسک  منگل 13 ستمبر 2022
اداکارہ صوفیہ مرزا کا کہنا ہے کہ ان کے بچوں کو واپس  لانے کیلئے کچھ نہیں کیا جارہا(فائل فوٹو)

اداکارہ صوفیہ مرزا کا کہنا ہے کہ ان کے بچوں کو واپس لانے کیلئے کچھ نہیں کیا جارہا(فائل فوٹو)

 اسلام آباد: اداکارہ صوفیہ مرزا کی بچیوں کی حوالگی سے متعلق کیس میں سپریم کورٹ نے توہین عدالت کی درخواست واپس لینے پر خارج کردی۔

جسٹس سردار طارق مسعود کی سربراہی میں تین رکنی بنچ نے صوفیہ مرزا کی بچیوں کی حوالگی سے متعلق کیس کی سماعت کی ۔

سماعت کے دوران جسٹس سردار طارق مسعود نے ریمارکس دیتے ہوئے  کہا کہ ایک وکیل لاہور سے ایک عدالت میں دلائل دے رہا ہے دونوں وکلاء کی خاتون موکلہ صوفیہ مرزا بھی بار بار مداخلت کر رہی ہے۔

جسٹس سردار طارق نے کہا کہ پہلے فیصلہ کر لیں دلائل کون دے گا، جس فیصلہ کو جوازبنا کر توہین عدالت کی درخواست کی اس پر عمک ہو چکا ہے  جبکہ وزیر اعظم نے سمری پر دستخط کردئیے ہیں۔

جسٹس سردار طارق مسعود نے  واضح کیا کہ بچوں کی واپسی کیلئے پوری حکومتی مشینری ہل گئی ہےاوروزارت ِخارجہ بچوں کے یو اے ای سے واپسی کے معاملے پر اقدامات اٹھا رہی ہے۔

عدالت نے ڈی جی ایف آئی اے کو ہر پندرہ دن بعد بچوں کی واپسی سے متعلق پیشرفت رپورٹ جمع کرانے کا حکم دیتے ہوئے سماعت غیر معینہ مدت کیلئے ملتوی کردی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔