22 یونٹس کا بل 10 ہزار کیسے؟ فخرِ عالم کا کے الیکٹرک سے سوال

ویب ڈیسک  منگل 13 ستمبر 2022
فخرِ عالم پاکستان کے نامور گلوکار و اداکار ہیں(فائل فوٹو)

فخرِ عالم پاکستان کے نامور گلوکار و اداکار ہیں(فائل فوٹو)

کراچی: پاکستان کے معروف گلوکار و اداکار فخرِ عالم نے بجلی کا بل زیادہ آنے پر کے الیکٹرک سے اس کی وضاحت طلب کی ہے۔

فخرِ عالم نے اپنے آفیشل ٹوئٹر اکاؤنٹ سے بجلی کے بل کی تصویر شیئر کرتے ہوئے کے الیکٹرک سے سوال کیا ہے کہ 22 یونٹس کا بل 10 ہزار سے زائد کیسے ہوسکتا ہے؟۔

فخرِ عالم نے اپنے پیغام میں لکھا کہ’ 22 یونٹس کے حساب سے بل کو دیکھا جائے تو ایک یونٹ لگ بھگ 500 روپے کا بن رہا ہے، یہ کیسا حساب ہے؟ مجھے پاکستانی عوام پر بہت افسوس ہے‘۔


ساتھ ہی انہوں نے پوسٹ میں کے الیکٹرک کو ٹیگ کرتے ہوئے اس خواہش کا اظہار کیا کہ ادارہ انہیں اس بات کی وضاحت دے انہوں نے لکھا کہ ’میں کے الیکٹرک کی تعریف کروں گا اگر مجھے اس بل کی وضاحت مل جائے‘۔


جس پر کے الیکٹرک نے گلوکار کو جواب میں کہا کہ ’سہولت کا جائزہ لینے کے لیے بل کے پچھلے حصے میں بل کے حوالے سے وضاحت موجود ہے‘۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔