تارک مہتا کا الٹا چشمہ کے نئے تارک مہتا کون ہوں گے؟

ویب ڈیسک  بدھ 14 ستمبر 2022
(فائل فوٹو)

(فائل فوٹو)

ممبئی: تارک مہتا کا اُلٹا چشمہ بھارت کا ایسا مزاحیہ ٹی وی ڈرامہ ہے جس کو پاکستان میں بھی کئی لوگ دیکھنا پسند کرتے ہیں۔

معروف بھارتی کامیڈی ڈرامے ’تارک مہتا کا الٹا چشمہ‘ کے شائقین کا انتظار ختم اب سلیش لودھا کی جگہ نئے تارک مہتا کے نام کا اعلان  کر دیا گیا ہے۔

ڈرامے کے شائقین جیٹھا لعل کے دوست تارک مہتایعنی سلیش لودھا کے شو چھوڑجانے  سے مایوس تھے تاہم اب شو کے پروڈیوسر نے نئے تارک مہتا کے نام کا اعلان کرتے ہوئے بتایا  ہے کہ ایک مرتبہ پھر ڈرامے کی  شوٹنگ کا آغاز کردیا گیا ہے۔


تارک مہتا کا الٹا چشمہ کے پروڈیوسر اسیت کمار مودی نے کہا ہے کہ اب معروف کامیڈی شو میں سچن شروف، تارک مہتا کا کردار نبھائیں گے، سچن کے ساتھ شو کی شوٹنگ کا ایک بار پھر آغاز کر دیا گیا ہے۔

انہوں نے اُمید ظاہر کی ہے کہ جلد ناظرین تارک مہتا کا الٹا چشمہ کی نئی اقساط دیکھ سکیں گے اور سچن شروف کو بھی اسی طرح پسند کریں گے جیسا سلیش لودھا کو کرتے تھے۔

یا درہے کہ سلیش لودھا کے شو چھوڑ کر جانے کے بعد ڈرامے کی نئی قسطوں کی نشریات بند ہوگئی تھیں جس پر مداح بےحد افسردہ تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔