ایم کیو ایم کارکنوں کا قیادت کا گھیراؤ، عامر خان کو جنازہ پڑھنے سے روک دیا گیا

 کراچی: ایم کیو ایم کے لاپتہ کارکن وسیم راجو کی نمازہ جنازہ میں بدمزگی پیدا ہوگئی۔

ایم کیو ایم قیادت کے لیے مشکلات پیدا ہوگئیں۔ کارکنان نے رہنماؤں کا گھیراؤ شروع کردیا۔

کراچی کے علاقے شاہ فیصل کالونی میں نمازجنازہ میں یہ واقعہ پیش آیا۔ عامر خان نماز جنازہ پڑھنے پہنچے تو جنازے کے شرکاء نے سینئر ڈپٹی کنوینئر عامر خان سمیت دیگر رہنماؤں کو گھیر لیا۔

لاپتہ نوجوان کی نماز جنازہ پر شاہ فیصل میں ایم کیو ایم رابطہ کمیٹی کو جوتے مارکر بھگا دیا گیا pic.twitter.com/8lhHnrFp56

— Fahad Premier (@FahadPremier) September 15, 2022

کارکنان نے ایم کیو ایم رہنماؤں پر شدید تنقید کی۔ اس دوران سخت جملوں کا تبادلہ ہوا اور جنازے میں افراتفری مچ گئی۔

یہ بھی پڑھیں: ایم کیو ایم اپنے کارکنوں کی لاشیں ملنے کے باوجود حکمرانوں کیساتھ کھڑی ہے، شیخ رشید

وہاں موجود لوگوں نے مشتعل افراد سے ایم کیو ایم کی قیادت کو محفوظ کیا۔ مشتعل افراد نے کہا کہ کارکنان مارے جارہے ہیں اور آپ حکومت کے مزے لے رہے ہیں۔ عامر خان نماز جنازہ ادا کیے بغیر روانہ ہوگئے۔

ایم کیو ایم کے قتل ہونے والے کارکن کی نماز جنازہ
شہریوں نے ایم کیو ایم رہنما عامر خان کو جنازہ پڑھنے سے روک دیا@faisalsubzwari pic.twitter.com/2EWVKPG9tR

— Ahmad Warraich (@ahmad_sarwar_) September 15, 2022