- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
آئی جی سندھ کا زخمی کو اسپتال پہنچانے پر انعام اور کیس میں گواہ نہ بنانےکا اعلان
کراچی: آئی جی سندھ نے کہا ہے کہ سڑک پر کسی بھی زخمی کو اسپتال پہنچانے والے شہری کو نہ صرف انعام سے نوازا جائے گا بلکہ اسے کیس میں زبردستی گواہ بھی نہیں بنایا جائے گا۔
آی جی سندھ غلام نبی میمن نے ایک بیان میں کہا ہے کہ فائرنگ اور ایکسیڈنٹ کے زخمیوں کو اسپتال پہنچانے میں شہری ہچکچاتے ہیں، پولیس کی جانب سے تفتیش کے خوف کی وجہ سے زخمی کو بروقت اسپتال منتقل نہیں کیا جاتا،بعض دفعہ ایسی صورتحال میں زخمی شخص کی جان بھی چلی جاتی ہے۔
ان کا کہنا تھا کہ شہری سڑک پر کسی بھی زخمی کو دیکھیں تو فوری اسپتال منتقل کردیں، زخمی کو اسپتال منتقل کرنے والے شہری کو پولیس زبردستی گواہ نہیں بنائے گی۔
آئی جی سندھ نے کہا کہ اس ضمن میں تمام ڈی آئی جیز اور ایس ایس پیز کو تحریری طور پر ہدایات بھی جاری کردی گئی ہیں۔
انہوں نے کہا کہ جو شہری بھی ایسے زخمی کی مدد کرے گا اسے پولیس کی جانب سے انعام دیا جائے گا، آئی جی سندھ کی ہدایت کے بعد سندھ پولیس نے تمام ڈسٹرکٹ کو مراسلہ جاری کردیا ہے۔
آئی جی سندھ کا کہنا تھا کہ نظریہ کمیونٹی پولیسنگ کا فروغ وقت کا تقاضہ ہے ، جرائم اور جرائم پیشہ عناصر کے خلاف کمیونٹی پولیسنگ کو ایک مؤثر ہتھیار کے طور پر استعمال کیا جاسکتا ہے جس کے تحت شہریوں کے جرائم کے خلاف جراُت مندانہ اقدامات اور ان کے حوصلوں کو تقویت دینا فی زمانہ ایک ضرورت بن چکا ہے۔
غلام نبی میمن نے مزید کہا کہ پہلے فیز میں شہر میں نصب تمام نجی سی سی ٹی وی کیمروں کو باقاعدہ مددگار 15 سسٹم سے منسلک کرنا زیر غور ہے اور جلد ہی اس اقدام پر عمل درآمد کردیا جائے گا۔
کمیونٹی پولیسنگ کے فروغ جیسے اقدامات کو ہر سطح پر قابل عمل بناتے ہوئے ڈکیتی،رہزنی،چھینا جھپٹی وغیرہ کے خلاف بروقت اور مؤثر پولیس ایکشن سمیت انسانی حقوق کی خلاف ورزیوں جیسے جرائم کے حوالے سے انسدادی حکمت عملی اور لائحہ عمل کو بھی کامیاب اور نتیجہ خیز بنایا جائے۔
آئی جی سندھ کا کہنا تھا کہ جرائم کے خلاف حقیقی معنوں میں کامیابی کا انحصار مربوط اور ٹھوس پولیس ایکشن کے علاوہ اس پہلی اطلاع پر بھی ہوتا ہے جو جرائم کے خلاف شہری انفرادی یا اجتماعی حیثیت میں متعلقہ پولیس کو دیتے ہیں۔
انہوں نے کہا کہ جرائم کے خلاف جراُت مندانہ اقدامات اور جرائم سے متعلق تفصیلات پولیس سے شیئر کرنےپرشہریوں کو ناصرف سراہا جائیگا بلکہ انھیں نقد انعامات کے ساتھ ساتھ تعریفی اسناد بھی دی جائیں گی۔
آئی جی سندھ نے عوام سے اپیل کی کہ مختلف واقعات میں زخمی ہونے والے شہریوں کو بروقت طبی امداد کے لیے قریبی اسپتال منتقل کریں ، مزید برآں انہوں نے کہا کہ جرائم کے خلاف یقینی کامیابی کے لیے پولیس سے بلا کسی خوف یا جھجک ہر ممکن تعاون کو ناصرف یقینی بنائیں بلکہ اپنے انفرادی اور اجتماعی کردار کی بدولت ایک پرامن اور مثالی معاشرے کے قیام کے لیئے تمام تر کاوشیں بھی کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔