پہلی قومی ویمن نیزہ بازی ٹیم انٹرنیشنل چیمپئن شپ کیلیے اردن روانہ

ٹیم انٹرنیشنل چیمپئن شپ کیلئے اردن روانہ ہوچکی ہے(فائل فوٹو)

---

پاکستان کی تاریخ میں پہلی مرتبہ خواتین نیزہ بازی ٹیم بین الاقوامی ٹینٹ پیگنگ چیمپئن شپ کیلیے اردن روانہ ہوگئی۔

رپورٹ کے مطابق نیزہ بازی کے مقابلے 22 سے 24 ستمبر تک اردن کے شہر پیڑا میں ہونگے جہاں تین رکنی قومی خواتین نیزہ بازی ٹیم غیر ملکی کھلاڑیوں کے مدِ مقابل ہوگی۔

ٹیم کے کوچ ہارون کا کہنا ہے کہ پاکستان کی تاریخ میں پہلی بار خواتین کی قومی ٹیم اوپن ٹرائل کے ذریعے سلیکٹ ہوئی ہے جب کہ ٹیم کا انتخاب ایکوسٹرین فیڈریشن آف پاکستان کے زیر اہتمام اوپن ٹرائلز کے بعد کیا گیا ہے۔

پاکستان کی تاریخ میں پہلی بار خواتین نیزہ بازی ٹیم انٹرنیشنل چیمپئن شپ کیلیے تیار
تین رکنی خواتین نیزہ بازی ٹیم
بین الاقوامی ٹینٹ پیگنگ چیمپئن شپ کیلیے اردن روانہ
نیزہ بازی کے مقابلے 22سے24 ستمبر تک اردن کے شہر پیڑا میں ہونگے pic.twitter.com/PSdRujCkde

- PTV Sports (@PTVSp0rts) September 20, 2022

صدر ای ایف پی صاحبزادہ سلطان کا کہنا تھا کہ پاکستان وومن ٹیم پہلی بار کسی بڑے انٹرنیشنل ایونٹ میں شرکت کررہی ہے جبکہ اس سے قبل وہ جنوبی افریقہ کا تربیتی دورہ کر چکی ہے۔



انہوں نے کہا کہ ٹیم کی تیاری اچھی ہے اور انہیں اُمید ہے کہ ٹیم اچھا پرفارم کرے گی۔