تازہ ترین

متھیرا نے ملالہ یوسفزئی کو ’منافق‘ قرار دے دیا

ملالہ نے پریانکا چوپڑا اور ہالی ووڈ فنکاروں کے ساتھ کچھ تصاویر شیئر کی تھیں جس پر انہیں تنقید کا سامنا ہے

ویب ڈیسک بدھ 21 ستمبر 2022

ملالہ نے پریانکا چوپڑا اور ہالی ووڈ فنکاروں کےساتھ لی گئی تصاویر شیئر کی تھیں(اسکرین شاٹ)

کراچی: پاکستان کی مشہور ماڈل اور میزبان متھیرا نے ملالہ یوسفزئی کو منافق قرار دے دیا۔

اکثر متنازعہ بیانات کی وجہ سے سُرخیوں کا حصہ بنے رہنے والی میزبان متھیرا نے نوبل انعام یافتہ ملالہ یوسفزئی کو اقوام متحدہ کی جنرل اسمبلی میں بین الاقوامی ستاروں کے ساتھ تصاویر شیئر کرنے پر منافق قرار دیا۔

گزشتہ روز ملالہ کی جانب سے بالی ووڈ اداکارہ پریانکا چوپڑا اور ہالی ووڈ کے دیگر فنکاروں کے ساتھ کچھ تصاویر شیئر کرنے کے بعد متھیرا نے اپنے آفیشل انسٹاگرام اکاؤنٹ پر ان تصاویر کو اسٹوری پر لگاتے ہوئے لکھا کہ ’انہیں صرف ایسے فنکاروں کے ساتھ تصویریں کھنچوانے کا معاوضہ ملتا ہے‘۔

Mathira Calls Malala Yousafzai A Hypocrite - Public Agrees

انہوں نے مزید کہا کہ ’اس مشکل وقت میں جب ہمارا ملک ڈوب رہا تھا اس وقت انہوں نے ایک بار بھی پاکستان کا دورہ نہیں کیا اور اب وہ موجودہ حالات اور ہمارے ملک کو درپیش مشکلات کے حوالے سے تقریریں کر رہی ہیں‘۔

Mathira Calls Malala Yousafzai A Hypocrite - Public Agrees

سوشل میڈیا صارفین نے متھیرا کے اس بیان سے پوری طرح اتفاق کرتے ہوئے کہا کہ’ ملالہ ہمیشہ پاکستان کے بارے میں بات کرتی رہتی ہے کیونکہ وہ یہاں رہتی تھیں لیکن سچ یہ ہے کہ وہ پاکستان کی اصل صورتحال سے بے خبر ہیں کیونکہ وہ دوبارہ کبھی پاکستان واپس ہی نہیں آئیں‘۔

Mathira Calls Malala Yousafzai A Hypocrite - Public Agrees

یاد رہے کہ گزشتہ روز ملالہ یوسفزائی نے نیویارک میں ہونے والے اقوام متحدہ کی جنرل اسمبلی اجلاس سے اداکارہ پریانکا چوپڑا اور ہالی ووڈ کے اداکاروں کے ساتھ لی گئی تصاویر شیئر کی تھیں۔