سیلابی صورت حال میں آئی ایم ایف سے ریلیف کی بات کریں گے، وزیر خارجہ

ویب ڈیسک  جمعـء 23 ستمبر 2022
(فوٹو : فائل)

(فوٹو : فائل)

 نیویارک: وزیر خارجہ بلاول بھٹو زرداری نے کہا ہے کہ سیلابی صورت حال میں آئی ایم ایف سے پاکستان کو ریلیف دینے کی بات کریں گے۔

نیویارک میں کونسل آف فارن ریلیش کے تحت مکالمے میں گفتگو کرتے ہوئے بلاول نے کہا کہ ہمیں دنیا سے اپنے لوگوں کے لیے انصاف چاہیے، میں عالمی برادری سے اپنے لوگوں کے لیے امداد کی نہیں انصاف کی بات کروں گا۔

انہوں نے کہا کہ پاکستان کو تاریخ کے سب سے بڑے سیلاب کا سامنا ہے، جس کی وجہ سے وبائی امراض پھیلنے کا بھی خدشہ ہے۔ وزیر خارجہ نے کہا کہ پاکستان کا موسمیاتی تبدیلیوں میں کردار تقریباً نہ ہونے کے برابر ہے، اُس کے باوجود ہمیں موسمیاتی تبدیلیوں کا سامنا ہے، جس کے لیے دنیا کو آگے بڑھ کر ہماری مدد کرنی چاہیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔