مریم اورنگزیب کو لندن میں ہراساں کرنے پر وزیراعظم کا غم و غصے کا اظہار

 اسلام آباد: وفاقی وزیر اطلاعات مریم اورنگزیب کو لندن میں پی ٹی آئی کارکنوں کی جانب سے ہراساں کیے جانے پر وزیراعظم شہباز شریف نے شدید غم و غصے کا اظہار کیا ہے۔

وزیراعظم شہباز شریف نے مائیکروبلاگنگ ویب سائٹ ٹوئٹر پر جاری بیان میں مریم اورنگزیب سے تحریک انصاف لندن کے کارکنوں کی بدتمیزی پر شدید ردعمل کا اظہار کرتے ہوئے کہا کہ مریم اورنگزیب نے اپنے عمل سے ہراساں کرنے والوں اور ان کے حامیوں کا مکروہ چہرہ بے نقاب کیا۔

انہوں نے کہا کہ مریم اورنگزیب نے پی ٹی آئی کارکنوں کے ہراساں کرنے پر جس ظرف کا مظاہرہ کیا وہ قابل فخر ہے۔

The manner in which Marriyum Aurangzeb dealt with the harassment from the PTI supporters shows her grace. By her calm & honorable conduct, she exposed the ugly face of the harassers & their promoters.

We are proud of her.

— Shehbaz Sharif (@CMShehbaz) September 25, 2022

وفاقی وزیراطلاعات سے بدتمیزی پر مسلم لیگ ن کی مرکزی نائب صدر مریم نواز نے بھی ردعمل دیا اور کہا کہ ’مجھے تم (مریم اورنگزیب) پر بے حد فخر ہے‘۔

I am very proud of you @Marriyum_A ♥️

— Maryam Nawaz Sharif (@MaryamNSharif) September 25, 2022

خیال رہے کہ گزشتہ دنوں میں لندن میں واقع کافی شاپ میں مریم اورنگزیب کو پی ٹی آئی کے مرد و خواتین کارکنوں نے ہراسگی کا نشانہ بنایا تھا، جس کی ویڈیوز سوشل میڈیا پر وائرل ہورہی ہے۔