- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
کراچی؛ کار چوری میں پولیس موبائل ملوث ہونے کا انکشاف
کراچی میں پولیس موبائل بھی کار چوری کی وارداتوں میں ملوث ہونے لگی، کار چوری کی فوٹیج نے پولیس کی کارکردگی پر سوالیہ نشان لگا دیا۔
ایکسپریس نیوز کے مطابق شہر قائد میں چور لیٹروں کے ساتھ ساتھ پولیس موبائل کے بھی کار چوری کی وارداتوں میں ملوث ہونے کا انکشاف ہوگیا، کار چوری کی واردات میں پولیس موبائل کے ملوث ہونے کی ویڈیو منظر عام پر آگئی۔
واقعے کورنگی اللہ والا ٹاؤن سیکٹر 31 اے میں پیش آیا جہاں شہری کی گھر کے قریب کھڑی گاڑی چوری ہوگئی۔
سی سی ٹی وی فوٹیج میں گلی میں گاڑی کھڑی نظر آرہی ہے کہ اچانک ایک پولیس موبائل آتی ہے اور اس میں سے ایک شخص اترتا ہے اور گلی کا جائزہ لینے کے بعد کار کا دروازہ کھول کر اس میں بیٹھ جاتا ہے۔
ملزم چند سیکنڈ میں گاڑی اسٹارٹ کرتا ہے اور موبائل کو اشارہ کرتا ہے، جس کے بعد پولیس موبائل اور چوری کی کار ایک ستھ گلی سے باہر جانے لگتے ہیں، مبینہ طورپرپولیس موبائل کے پیچھے بھی چند افراد بیٹھے تھے۔
واقعے کا مقدمہ کورنگی انڈسٹریل ایریا تھانے میں درج کرلیا گیا، اس حوالے سے پولیس کا کہنا ہے کہ موبائل پر صرف پولیس لکھا ہوا ہے ، پولیس کی نہ رجسٹریشن ہے اور نہ ہی پولیس کامونوگرام پرنٹ ہے۔
پولیس حکام کا کہنا ہے کہ چوری کی جانے والی گاڑی کا ماڈل 2008 ہے، اتنی پرانی گاڑی کیوں چوری کی گئی ، تفتیش کر رہے ہیں۔
دوسری جانب اینٹی وہیکل لفٹنگ سیل نے کورنگی اللہ والا ٹاؤن میں پولیس موبائل کے ذریعے کار لیجانے سے متعلق واقعہ کی وضاحت جاری کر دی۔
ایس ایس پی طارق نواز کا کہناہے کہ گرفتار ملزم کی غلط نشاندہی کی وجہ سے شہری کی کار کو لفٹ کیا گیا ، دفتر پہنچنے کے بعد انکشاف ہوا کہ مذکورہ کار چوری کی نہیں ہے۔
ایس ایچ او زاہد لودھی کے مطابق اے وی ایل سی پولیس اگر ہمیں اعتماد میں لیکر کارروائی کرتی تو جس صورتحال کا پولیس کو سامنا کرنا پڑ رہا ہے اس سے بچا جا سکتا تھا۔
پولیس کےمطابق گرفتار 3 ملزمان ارشاد حسین ، اشفاق اور آصف چوری کی جانے والی کاریں پارکنگ ایریا میں کھڑی کر دیتے ہیں جبکہ اے وی ایل سی کی ٹیم گرفتار ملزمان کی نشاندہی پر کئی مقامات پر گئی اور پولیس نے ان کی نشاندہی پر 3 کاریں بھی برآمد کی ہیں جنھیں ان کے مالکان نے شناخت بھی کرلیا ہے۔
اے وی ایل سی کی ٹیم نے ملزمان کی نشاندہی پر کورنگی سے بھی ایک کار کو قبضے میں لیا گیا اور دفتر پہنچنے کے بعد انکشاف ہوا کہ مذکورہ کار چوری کی نہیں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔