اگر غصے پر کنٹرول نہیں تو شادی مت کرو، منال خان

ویب ڈیسک  پير 26 ستمبر 2022
منال خان نے اپنی سہیلی سارہ کے قتل پر گہرے رنج اور افسوس کا اظہار کیا۔ فوٹو: انسٹاگرام

منال خان نے اپنی سہیلی سارہ کے قتل پر گہرے رنج اور افسوس کا اظہار کیا۔ فوٹو: انسٹاگرام

 کراچی: ٹی وی کی معروف اداکارہ منال خان نے کہا ہے کہ اگر آپ اپنے غصے کو کنٹرول نہیں‌ کر سکتے تو شادی مت کرو۔

انسٹاگرام پر اسٹوری شیئر کرتے ہوئے اداکارہ نے لکھا کہ گھریلو تشدد کب ختم ہوگا؟ اسے اب ختم ہونا چاہیے۔

انہوں نے لکھا کہ میری پیاری سہیلی سارہ کو اس کے شوہر نے بےدردی سے قتل کر دیا، اس کی عمر 37 تھی اور وہ زندہ دل انسان تھی۔

منال خان نے مزید لکھا کہ سارہ چاہتی تھی کہ وہ ماں بنے، اسے کتابیں پڑھنے سے بہت زیادہ رغبت تھی اور وہ اپنی فیملی سے بہت محبت کرتی تھی۔

اداکارہ نے لوگوں پر زور دیا کہ گھریلو تشدد کو رکنا چاہیے، شادی کرکے کسی کی زندگی کو جہنم میں مت دھکیلیں۔

واضح رہے کہ اسلام آباد میں اپنے شوہر شاہنواز کے ہاتھوں مبینہ طور پر قتل ہونے والی سارہ دبئی میں ملازمت کرتی تھیں اور اس کی تین ماہ پہلے شادی ہوئی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔