سی ٹی ڈی کی کارروائی کے دوران چار مبینہ دہشت گرد ہلاک

ویب ڈیسک  منگل 27 ستمبر 2022
(فوٹو:فائل)

(فوٹو:فائل)

 اسلام آباد: ہزار گنجی میں سی ٹی ڈی کی کارروائی کے دوران فائرنگ کا تبادلہ ہوا جس میں چار دہشت گرد ہلاک ہوگئے، ملزمان منشیات کا ٹرک کراچی لے جانے کی کوشش کر رہے تھے۔

سی ٹی ڈی ذرائع کے مطابق انہیں خفیہ اطلاع ملی تھی کہ کالعدم تنظیم کے دہشت گرد گلستان سے بھاری مقدار میں منشیات ٹرک کے ذریعے کراچی لے جانے کی کوشش کر رہے ہیں، سی ٹی ڈی ٹیم نے ہزار گنجی کے علاقے گلزار آباد کے قریب ناکہ بندی کر کے ریکی شروع کی۔

اس دوران ایک ٹرک کو روکنے کا اشارہ کیا گیا تو ٹرک میں سوار مسلح افراد نے ٹیم پر فائرنگ کرتے ہوئے پہاڑ کی جانب فرار ہونے کی کوشش کی، سی ٹی ڈی کی جوابی فائرنگ میں چار دہشت گرد ہلاک ہوگئے۔

حکام کے مطابق ٹرک سے 27 کلو گرام ہیروئن برآمد ہوئی جس کی مالیت کروڑوں روپے بتائی جاتی ہے۔ مارے جانے والے دہشت گرد منشیات فروخت کرکے فنڈز کالعدم تنظیموں کو دیتے تھے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔