آڈیو لیکس پر قومی سلامتی کمیٹی کا اجلاس منسوخ

ویب ڈیسک  منگل 27 ستمبر 2022
آڈیو لیکس کے لیے ابھی کوئی جے آئی ٹی نہیں بنی ، ذرائع وزارت داخلہ (فوٹو فائل)

آڈیو لیکس کے لیے ابھی کوئی جے آئی ٹی نہیں بنی ، ذرائع وزارت داخلہ (فوٹو فائل)

 اسلام آباد: وزیراعظم شہباز شریف کی جانب سے قومی سلامتی کمیٹی کا بدھ کو طلب کیا گیا اجلاس منسوخ کردیا گیا۔

ذرائع وزارت داخلہ کے مطابق آڈیو لیکس کے لیے ابھی کوئی جے آئی ٹی نہیں بنی جب کہ قومی سلامتی کمیٹی کاکل ہونے والااجلاس بھی منسوخ کردیاگیا ہے۔

یہ خبر بھی پڑھیے: آڈیو لیک؛ وزیراعظم نے قومی سلامتی کمیٹی کا اجلاس طلب کرلیا

وزیراعظم شہباز شریف نے بیرون ملک دورے سے واپس آتے ہی آڈیو لیکس، ملکی سلامتی  کی صورت حال اور دیگر امور پر غور کے لیے قومی سلامتی کمیٹی کا اجلاس بدھ کو طلب کیا تھا۔ اس سلسلے میں جاری سرکاری اعلامیے میں کہا گیا تھا کہ اجلاس میں اعلیٰ عسکری اور سول قیادت شریک ہوگی۔ اجلاس میں وزیر دفاع، وزیر داخلہ، وزیر اطلاعات، وزیر خزانہ سمیت اہم وزرا بھی شریک ہوں گے۔

دوسری جانب وفاقی کابینہ کا اجلاس کل بدھ کو طلب کرلیا گیا ہے، جس میں اسحاق ڈار کی وزیر خزانہ کے طور پر شرکت کی توقع ہے۔ذرائع کے مطابق وزیراعظم کابینہ کو دورہ امریکا سے متعلق اعتماد میں لیں گے جب کہ اجلاس میں ملکی سیاسی و معاشی صورت حال، سیلاب زدگان کی بحالی اور عالمی  امداد پر بھی غور کیا جائے گا۔

ذرائع کے مطابق وفاقی کابینہ اہم اجلاسوں کی آڈیو ریکارڈنگز لیک ہونے کے معاملے پر بھی غور کرے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔