دنیا کی سب سے بڑی اسکرین پر شاہ رخ خان کی تشہیری وڈیو

 دبئی: بالی ووڈ کنگ شاہ رخ خان ایک تشہیری ویڈیو میں دنیا کی بلند ترین عمارت برج خلیفہ پر نظر آئے۔

برج خلیفہ کے سامنے ڈانسنگ فاؤنٹین پر اداکار کی مشہور فلم’اوم شانتی اوم‘ کا ٹائٹل سانگ بھی بجایا گیا۔

برج خلیفہ کے اس منظر کی ویڈیوز تھوڑی ہی دیر میں سوشل میڈیا پر وائرل ہوگئیں۔

MEGASTAR #ShahRukhKhan being on Burj Khalifa for the 4th time..❤️‍🔥

By far the highest any actor in the world has ever achieved this feat.
When SRK said “I am the last of stars” he truly meant it..👑✨ pic.twitter.com/GGox5ZwYWb

— ᏞᏌᏟᏆFᎬᎡ🔥 (@FANwallagaurav) September 28, 2022

مداح اداکار کے غیر معمولی فلاحی کاموں کی تعریفیں کرتے اور انہیں دنیا کی مشہور عمارت پر جلوہ گردیکھ کر فخر کرتے نظر آرہے ہیں۔

برج خلیفہ پر نشر کیے گئے اشتہار میں شاہ رخ خان نے ایک ہیلتھ کیئر گروپ کے بارے میں آگاہ کیا۔

گروپ میں عمان اور متحدہ عرب امارات میں مختلف برانڈز کے تحت 39 اسپتال اور طبی مراکز کی تشہیر شامل ہے۔

کمپنی نے دنیا کی بلند ترین عمارت برج خلیفہ پر 28 ستمبر کو اپنی مہم کی افتتاحی تقریب میں اشتہار دکھا کر متحدہ عرب امارات کے ساتھ شاہ رخ خان کے مضبوط تعلق کو اجاگر کیا۔

واضح رہے کہ اس سے قبل شاہ رخ خان کی سالگرہ کے موقع پر بھی برج خلیفہ کو روشن کیا گیا تھا۔