کراچی؛ شیرخوار بچی سر میں گولی لگنے سے جاں بحق

اسٹاف رپورٹر  پير 3 اکتوبر 2022
جناح اسپتال میں زیر علاج بچی زخموں کی تاب نہ لاتے ہوئے دم توڑ گئی (فوٹو فائل)

جناح اسپتال میں زیر علاج بچی زخموں کی تاب نہ لاتے ہوئے دم توڑ گئی (فوٹو فائل)

 کراچی: قائد آباد میں ہفتہ کی شب پراسرار فائرنگ سے زخمی ہونے والی شیرخوار بچی پیر کی علی الصبح جناح اسپتال میں دوران علاج زخموں کی تاب نہ لاتے ہوئے جاں بحق ہوگئی ۔

شاہ لطیف کے علاقے قائدآباد مرغی خانہ اسٹاپ کے قریب ہفتہ کی شب تقریباً ساڑھے 12 بجے گھر میں پراسرار فائرنگ کا واقعہ پیش آیا، جس میں زخمی ہونے والی شیر خوار بچی جناح اسپتال میں دوران علاج زخموں کی تاب نہ لاتے ہوئے جاں بحق ہوگئی ۔

ترجمان کراچی پولیس کے مطابق مقتولہ کی شناخت 2 سالہ صنم دختر عدیل خان کے نام سے کی گئی ، جسے سر میں گولی لگی تھی ۔ پولیس واقعے کی تحقیقات کر رہی ہے ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔