عالیہ بھٹ نے بین الاقوامی سطح پر دو بڑے اعزازات حاصل کرلئے

 ممبئی: معروف بھارتی اداکارہ عالیہ بھٹ نے ٹائم 100 امپیکٹ ایوارڈ حاصل کرنے کے بعد ایک اور اعزاز اپنے نام کرلیا۔

برطانوی اخبار ’دی گارڈین‘ کے فلمی نقادوں نے دنیا بھر سے بہترین اور خراب فلمی پرفارمنس کی فہرست جاری کردی۔

دی گارڈین کی جاری کردہ فہرست کے مطابق عالیہ بھٹ نے فلم گنگو بائی میں بہترین اداکاری کے جوہر دکھائے۔

برطانوی اخبار فلمی نقادوں نے عالیہ بھٹ کا موازنہ میکسیکن اداکارہ لوپیتا نیونگو اور ماضی کی مقبول امریکی اداکارہ مارلن منرو سے کرتے ہوئے کہا ہے کہ عالیہ کی فلم گنگو بائی میں اداکاری 2022 کی بہترین پرفارمنس ہے۔

View this post on Instagram

A post shared by Alia Bhatt ☀️ (@aliaabhatt)

گارڈین کے فلمی نقاد مائیک میک کیہل کے مطابق عالیہ بھٹ نے فلم ’گنگو بائی‘ کی مضبوط کہانی نہ ہونے کے باوجود بھی اپنی جاندار اداکاری کے ذریعے اس فلم میں جان ڈال دی‘۔

واضح رہے کہ گنگوبائی کی کہانی حسین زیدی کی کتاب ’مافیا کوئین آف ممبئی‘ پر مبنی ہے، جس میں عالیہ بھٹ کے ساتھ اجے دیوگن اور دیگر نے کردار نبھائے ہیں۔

یہ ایک نوجوان خاتون کی گجرات سے بھاگ کر ممبئی آنے، اس کے ساتھ ہونے والے دھوکے، جسم فروشی کی زندگی جیسے واقعات پر مبنی ہے۔