الیکشن کمیشن نے عمران خان کے الزامات کو جھوٹ کا پلندہ قرار دے دیا

ویب ڈیسک  جمعرات 6 اکتوبر 2022
توشہ خانہ سمیت تمام کیسز کی سماعت کھلی عدالت میں ہوتی ہے، ترجمان (فوٹو فائل)

توشہ خانہ سمیت تمام کیسز کی سماعت کھلی عدالت میں ہوتی ہے، ترجمان (فوٹو فائل)

 اسلام آباد: الیکشن کمیشن آف پاکستان نے پی ٹی آئی کے چیئرمین عمران خان کے چیف الیکشن کمشنر پر لگائے گئے الزامات کو جھوٹ کا پلندہ قرار دے دیا۔

الیکشن کمیشن کے ترجمان کی جانب سے جاری اعلامیے میں کہا گیا ہے کہ چئیرمین تحریک انصاف عمران خان کے الیکشن کمیشن اور چیف الیکشن کمشنر پر لگائے گئے تمام الزامات بے بنیاد اور جھوٹ کا پلندہ ہیں، جن کو ادارہ یکسر مسترد کرتا ہے۔

ترجمان نے عمران خان کو مخاطب کرتے ہوئے کہا کہ اخلاق کا درس دینا بہت آسان ہے لیکن اس پر خود عمل کرنا مشکل عمل ہے۔

اعلامیے میں واضح کیا گیا ہے کہ الیکشن کمیشن کی تمام کاروائی بشمول توشہ خانہ کیس کھلی عدالت میں ہوتی ہے۔ کمیشن کسی دباو کو خاطر میں نہ لاتے ہوئے آئین اور قانون کے مطابق اپنے امور سرانجام دیتا رہے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔