پی ٹی آئی لانگ مارچ کے خفیہ پلان کے جواب میں اسلام آباد پولیس کا متبادل پلان تیار

ویب ڈیسک  منگل 11 اکتوبر 2022
پی ٹی آئی کے اہم مقامات کی نشاندہی، پی ٹی آئی رہنماؤں اور مارچ کو فنڈنگ کرنے والوں کی فہرستیں تیار، گرفتاریوں کا فیصلہ (فوٹو : فائل)

پی ٹی آئی کے اہم مقامات کی نشاندہی، پی ٹی آئی رہنماؤں اور مارچ کو فنڈنگ کرنے والوں کی فہرستیں تیار، گرفتاریوں کا فیصلہ (فوٹو : فائل)

 اسلام آباد: تحریک انصاف کے لانگ مارچ کا خفیہ پلان کے جواب میں اسلام آباد پولیس نے بھی متبادل پلان تیار کرلیا۔

ایکسپریس نیوز کے مطابق لانگ مارچ کے شرکا اور ہراول دستے کو کہاں کہاں رکھا جائے گا؟ اننتظامیہ نے ان مقامات کی نشاندہی کرلی۔ ان مقامات میں پاکستان تحریک انصاف کے فارم ہاؤسزز اور دیگر اہم مقامات جیسا کہ پنجاب ہاؤس، کے پی ہاؤس، کشمیر ہاؤس اور بنی گالا ہاؤس شامل ہیں۔

وزارت داخلہ کے حکم پر اسلام آباد پولیس نے پی ٹی آئی رہنماؤں کو گرفتار کرنے کا پلان تیار کرلیا ہے جس کے لیے اسپیشل برانچ نے یونین کونسل کی سطح پر فہرستیں تیار کرلی ہیں۔

ذرائع کے مطابق پی ٹی آئی جلسے کو فنانس کرنے والے افراد کی فہرستیں بھی تیار کرلی گئی ہیں۔ فہرستوں میں 1 کروڑ روپے اور اس سے زائد فنڈنگ کرنے والوں کے نام شامل ہیں۔ فہرستوں میں شامل تمام افراد کو تھانے طلب کرکے نقص امن کی ضمانت لینے کا فیصلہ کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔