- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
وزیرِاعظم شہباز شریف کی قازقستان میں آذر بائیجان کے صدر سے ملاقات
استانہ: وزیرِ اعظم شہباز شریف (CICA) سیکا کے چھٹے سربراہی اجلاس میں شرکت کے لیے دو روزہ دورے پر قازقستان پہنچ گئے، جہاں اُن کی آذربائیجان کے صدر سے ملاقات ہوئی۔
ایکسپریس نیوز کے مطابق وزیرِ اعظم شہباز شریف سیکا کے چھٹے سربراہی اجلاس میں شرکت کے لیے دو روزہ دورے پر قازقستان پہنچ گئے ہیں جہاں وہ ایشیاء میں تعامل اور اعتماد سازی کے اقدامات پر کانفرنس Conference on Interaction and Confidence Building Measures in Asia (CICA) کے اجلاس میں شرکت کریں گے۔
ذرائع کا کہنا ہے کہ کابینہ کے ارکان اور اعلی حکام پر مشتمل وفد وزیرِ اعظم کے ہمراہ ہے۔
رپورٹ کے مطابق وزیر اعظم شہباز شریف آج اجلاس سے خطاب کریں گے، وہ مشترکہ چیلنجوں سے نمٹنے کے لیے ایشیا بھر کے ممالک کے درمیان بات چیت، افہام و تفہیم اور تعاون کو فروغ دینے کے لیے ایک منفرد فورم کے طور پر سیکا کی اہمیت کو واضح کریں گے۔
وزیراعظم علاقائی اور عالمی مسائل پر پاکستان کے نقطہ نظر کو بھی اجاگر کریں گے، سربراہی اجلاس کے موقع پر، وزیر اعظم مختلف سیکا رکن ممالک کے رہنماؤں کے ساتھ دو طرفہ ملاقاتیں بھی کریں گے جن کا مقصد ان ممالک کے ساتھ تجارت، سرمایہ کاری اور توانائی کے شعبوں میں تعاون کو فروغ دینا ہے۔
سیکا سربراہی اجلاس، آذربائیجان کے صدر کی وزیراعظم سے ملاقات کا اعلامیہ جاری
اعلامیے کے مطابق دونوں رہنماؤں نے ملاقات میں دو طرفہ تعلقات اور مختلف شعبوں میں تعاون کے امور کا جائزہ لیا اور تجارت، سرمایہ کاری، تعلیم، ائی ٹی، سیکورٹی، زراعت، رابطے اور توانائی کے شعبوں میں تعاون کو مزید بڑھانے پر اتفاق کیا۔
وزیر اعظم نے آذربائیجان کے صدر کو پاکستان میں سیلاب کی صورتحال سے آگاہ کیا اور بتایا کہ کھڑی فصلوں کو پہنچنے والے نقصان سے خوراک کی قلت کا خطرہ بڑھ گیا ہے، اس خطرے سے بچنے کے لئے یوریا کی درآمد ضروری تھی۔
اعلامیے کے مطابق آذربائیجان کے صدر نے سیلاب متاثرین کیلیے وزیر اعظم کو مکمل تعاون کی یقین دہانی کرائی۔ اس موقع پر وزیراعظم نے مقبوضہ کشمیر پر آذربائیجان کے موقف اور او آئی سی رابطہ گروپ میں فعال کردار کو سراہا۔
وزیر اعظم نے نگورنو کاراباخ پر آذربائیجان کے لئے پاکستان کی اصولی حمایت کا اعادہ کیا اور دیرپا اور پائیدار امن کے لیے صدر الہام علیوف کی کوششوں کو سراہا۔
وزیر اعظم کا توانائی کے شعبے میں دونوں ممالک کے درمیان قریبی تعاون کو فروغ دینے کی ضرورت پر زور دیا، دونوں رہنماؤں کا دونوں ممالک کے درمیان توانائی کے تعاون پر تیز رفتار بات چیت پر اتفاق کیا اور پھر میاں محمد شہباز شریف نے آذری صدر کو اسلام آباد میں قیادت کی سطح پر مشاورت کی پیشکش بھی کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔