- مُودی نے بھارتی فوج میں میرٹ کی دھجیاں اڑادیں، انتہا پسند ہندو افسران کی ترقیاں
- استعفی طلب کرنے کی خبر غلط ہے، خود مستعفی ہوا، اٹارنی جنرل
- عمران کی حقیقی آزادی دفن ہوچکی، جنازہ آج مینار پاکستان میں ہوگا، وزیر اطلاعات
- کینیڈا؛ مسلمان نوجوان کو ریلوے اسٹیشن پر نماز پڑھنے سے روک دیا گیا
- پی آئی اے نے 2 افسران کو عہدوں سے ہٹانے کے سی اے اے احکامات ہوا میں اڑادیے
- نوجوان کرکٹرز پریشر میں آکر نروس ہوگئے، شاداب خان
- مینارپاکستان جلسے سے قبل کریک ڈاؤن ، پی ٹی آئی رہنما سلمان احمد گرفتار
- کوئٹہ کی عدالت نے حسان نیازی کی ضمانت منظور کرلی
- 1000 سی سی سے کم پاور گاڑیوں کی فروخت میں 39 فیصد کمی
- پاکستان کیساتھ تجارتی تعلقات مضبوط بنانے کیلیے تیار ہیں، روس
- 6 ارب ڈالر کا فنانسنگ گیپ، حکومت نے جنیوا کانفرنس کے وعدوں پر آس لگا لی
- فرانس میں احتجاج، صدر نے ٹی وی انٹرویو کے دوران مہنگی گھڑی اتار دی
- ’’میرے کلب کے لڑکے کو کیوں نہیں کھلا رہے‘‘
- سری لنکن کرکٹ کے معاملات پر آئی سی سی چوکنا
- ملک کی سیاسی صورتحال کیسے بہتر ہوگی؟
- اب واٹس ایپ پر ’’واٹس ایپ‘‘ سے بات کرنا ممکن
- ان وٹامِن اور معدنیات کی کمی ’بال گرنے‘ کی وجہ بن سکتی ہے
- بجوؤں کی کھودی گئی سرنگوں نے ریل گاڑیوں کا نظام مفلوج کردیا
- عمران خان کی قیادت میں ون ڈے ورلڈکپ جیتے 31 برس بیت گئے
- 21.28 ارب روپے کے 6 ترقیاتی منصوبوں کی منظوری
روس کا لڑاکا طیارہ رہائشی عمارت پر گر کر تباہ؛ 13 ہلاک اور 19 زخمی

عمارت کی 9 میں سے 6 منازل میں آگ پھیل گئی، فوٹو: روسی میڈیا
ماسکو: روسی فوجی کا جیٹ طیارہ دوران پرواز ہچکولے کھاتے ہوئے شہری علاقے میں گر کر تباہ ہوگیا جس کے نتیجے میں 13 افراد ہلاک ہوگئے جن میں 3 بچے بھی شامل ہیں۔
عالمی خبر رساں ادارے کے مطابق جنوبی ملٹری ڈسٹرکٹ کے ہوائی اڈے سے تربیتی پرواز کے لیے پرواز بھرنے والا لڑاکا طیارہ یوکرین کی سرحد کے قریب روسی قصبے یسک میں ایک عمارت کی پارکنگ میں گر گیا اور طیارہ میں خوفناک آگ بھڑک اُٹھی۔
آگ کے شعلوں نے دیکھتے ہی دیکھتے 9 منزلہ عمارت کی 5 منزلوں کو اپنی لپیٹ میں لے لیا اور 7 فلیٹ مکمل طور پر جل کر خاکستر ہوگئے۔ آگ اتنی تیزی سے پھیلی کہ رہائشیوں کو نکلنے کا موقع نہیں ملا۔ اس عمارت میں 600 سے زائد افراد رہتے تھے۔
امدادی کاموں کے دوران سب سے پہلے 3 بچوں کی جلی ہوئی لاشیں ملیں جس پر صرف 3 ہلاکتوں کا دعویٰ کیا گیا تاہم چند گھنٹوں بعد ملبے سے مزید 10 لاشیں ملیں اس طرح مجموعی ہلاکتیں 13 ہوگئیں۔
ریسکیو کے دوران 25 افرادکو زخمی اور جھلسی ہوئی حالت میں نکالا گیا جنھیں قریبی اسپتال منتقل کردیا گیا ہے۔ زیادہ تر زخمیوں کو انتہائی نگہداشت کے وارڈ میں داخل کیا گیا ہے۔ ہلاکتوں میں اضافے کا خدشہ ظاہر کیا جا رہا ہے۔
روسی خبر رساں ایجنسیوں نے دعویٰ کیا ہے کہ تربیتی پرواز پر مامور طیارے کے انجن میں آگ لگ گئی تھی جس کے باعث وہ رہائشی عمارت کے صحن میں گرا اور آئل گرنے سے آگ پوری عمارت میں پھیل گئی۔
انجن میں آگ لگتے ہی پائلٹ نے طیارے میں سے چھلانگ لگادی تھی اور پیراشوٹ کے ذریعے زمین پر بحفاظت اتر گیا تھا۔ واقعے کی تحقیقات کے لیے انکوائری کمیٹی تشکیل دیدی گئی ہے۔
یاد رہے کہ 4 ماہ قبل بھی ایک روسی فوجی طیارہ ماسکو میں گر کر تباہ ہوا تھا جس میں 4 افراد ہلاک اور 5 زخمی ہو گئے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔