- عثمان خان کیخلاف اماراتی بورڈ نے تحقیقات کا آغاز کردیا
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
ڈالر کی قدر میں مسلسل اضافہ، انٹر بینک ریٹ 220 روپے سے تجاوز کر گیا
کراچی: ذرمبادلہ بحران کی وجہ سے بیرونی قرضوں کی ادائیگیوں میں مشکلات اور عالمی ڈونرز کی جانب سے وعدوں کے مطابق فلڈ ریلیف فنڈ کی عدم وصولیوں کے باعث ذرمبادلہ کی دونوں مارکیٹوں میں بدھ کو ساتویں دن بھی ڈالر کی پرواز تیز رفتار رہی.
کاروباری ہفتے کے تیسرے روز ڈالر کے انٹر بینک ریٹ 220روپے اور اوپن ریٹ 227روپے سے بھی تجاوز کرگئے۔
انٹربینک مارکیٹ میں کاروباری دورانیے کے دوران بیرونی ادائیگیوں کی ڈیمانڈ بڑھنے سے ایک موقع پر ڈالر کی قدر ایک روپے 83پیسے کے اضافے سے 221روپے 54 پیسے کی سطح پر آگئی تھی تاہم اختتامی لمحات میں ڈیمانڈ گھٹنے سے ڈالر کے انٹر بینک ریٹ 56پیسے کے اضافے سے 220.37روپے کی سطح پر بند ہوئے۔
اسی طرح اوپن کرنسی مارکیٹ میں بھی ڈالر کی قدر 1روپے 70پیسے کے اضافے سے 227روپے 90 پیسے کی سطح پر بند ہوئی۔
ملک میں ذرمبادلہ کے بحران میں یومیہ بنیادوں پر اضافے کے سبب گذشتہ سات یوم کے دوران ڈالر کے انٹربینک ریٹ میں مجموعی طور پر 2.48روپے جبکہ اوپن ریٹ میں 8.90روپے کا اضافہ ریکارڈ کیا گیا ہے۔
ماہرین کا کہنا ہے کہ درآمدات اور بیرونی ادائیگیوں کے بڑھتے ہوئے دباو سے روپیہ کمزور ہوتا جا رہا ہے جبکہ بین الاقوامی سطح پر کساد بازاری کی وجہ سے عالمی ڈونرز بھی پاکستان کے لیے اعلان کردہ فنڈز بھی ریلیز نہیں کر رہے ہیں جس سے ملک میں ذرمبادلہ کی قلت کا سامنا کرنا پڑ رہا ہے اور ہفتہ وار بنیادوں پر زرمبادلہ کے ذخائر میں کمی کا رحجان ہے جس ڈالر کی پرواز تیز رفتار ہوتی جا رہی ہے۔
مارکیٹ ذرائع کا کہنا ہے کہ افغانی تاجروں کی زائد قیمت پر ڈالر کی بڑھتی ہوئی خریداری دلچسپی کی وجہ سے پشاور کے بلیک مارکیٹ میں ریئل اوپن مارکیٹ سے 10روپے زائد قیمت پر فروخت نے ڈالر میں سٹہ بازی کرنے والوں کا کاروبار چمکا دیا ہے جو منافع خوری کے لیے ڈالر کی منظم اسمگلنگ کر رہے ہیں اور اسکے نتیجے میں مقامی مارکیٹ میں ڈالر کی سپلائی متاثر ہوگئی ہے جو ڈالر کی پرواز کا باعث بن گئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔