- اپنے دفاع کیلیے جو ضروری ہوا کریں گے ، اسرائیل
- ہر 5 میں سے 1 فرد جگر کی چربی سے متعلقہ بیماری میں مبتلا ہے، تحقیق
- واٹس ایپ نے چیٹ فلٹر نامی نیا فیچر متعارف کرادیا
- خاتون کا 40 دن تک صرف آرنج جوس پر گزارا کرنے کا تجربہ
- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی20 ورلڈکپ: کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
مجھے تب بلایا جاتا ہے جب معیشت کا بھٹہ بیٹھ جاتا ہے، اسحاق ڈار
اسلام آباد: وفاقی وزیر خزانہ اسحاق ڈار نے ملک کو درپیش اقتصادی چیلنجز کا مقابلہ کرنے کا عزم ظاہر کرتے ہوئے کہا ہے کہ مجھے تب بلایا جاتا ہے جب معیشت کا بھٹہ بیٹھ جاتا ہے۔
چارٹرڈ اکاؤنٹنٹ ایسوسی ایشن کانفرنس سے خطاب کے دوران وزیر خزانہ نے پیشگوئی کی کہ آنے والے دنوں میں مہنگائی کم ہوگی اور میری کوشش ہے کہ ملک کو سودی نظام سے نکال کر اسلامی نظام لاؤں۔
’ایف اے ٹی ایف کے حوالے سے پاکستان نے اپنا کام مکمل کردیا ہے‘
انہوں نے مزید کہا کہ ایف اے ٹی ایف کے حوالے سے پاکستان نے اپنا کام مکمل کردیا ہے، ایف اے ٹی ایف کے اعلان سے پہلے ہم کوئی اعلان نہیں کرسکتے، معیشت کے حوالے سے فیصلے کرنے میں آزاد ہوں اور آئی ایم ایف سے جو معاہدہ کیا اس پر عمل کریں گے۔
مزیدپڑھیں: آئی ایم ایف سے مذاکرات اچھے انداز میں آگے بڑھ رہے ہیں، اسحاق ڈار
وفاقی وزیر خزانہ نے کہا کہ ڈالر کے ریٹ اسٹیٹ بینک کی ذمہ داری ہے۔ ڈالر کی اصل قیمت 200 روپے سے کم ہے، مصنوعی اضافہ آئندہ چند روز میں کم ہوجائے گا۔ انہوں نے کہا کہ سی پیک منصوبوں میں توانائی کے منصوبوں کیلئے نجی شعبے سے مدد لی گئی ہے۔
’حکومت روس سے تیل لینے پر غور کررہی ہے‘
اسحاق ڈار نے کہا کہ اگر بھارت روس سے تیل لے سکتا ہے تو ہم بھی لے سکتے ہیں جبکہ روس سے تیل کے حصول کے لیے حکومت غور کررہی ہے۔
انہوں نے مزید کہا کہ ایم ایل ون منصوبہ 6 ارب ڈالر میں بننا تھا جس کے لیے پاکستان کو قرض درکار تھا اگر اس وقت بن جاتا تو 6 ارب ڈالر میں بن جاتا لیکن منصوبے پر 12 سے 13 ارب ڈالر خرچ ہوں گے۔
’ہم میثاق معیشت کے شروع سے خواہاں ہیں‘
اسحاق ڈار نے کہا کہ گورننس میں بہتری کے لیے ٹیکنالوجی کا فروغ ضروری ہے، دنیا بھر میں معیشت کی صنعتکاری جدید ٹیکنالوجی پر استوار ہورہی ہے، ہم میثاق معیشت کے روز اول سے خواہاں ہیں۔
یہ بھی پڑھیں: امریکی حکام نے اسحاق ڈار کے ساتھ پیش آنے والے واقعہ کا نوٹس لیا، دفتر خارجہ
وفاقی وزیر خزانہ نے کہا کہ اس سے پہلے بھی جب 2013 میں مسلم لیگ (ن) کی حکومت قائم ہوئی تھی تو شدید اقتصادی چیلنجز تھے، جسے ہم نے نکالا اور سیاست پر ریاست کو ترجیح دی اب بھی یہی کرنا ہوگا۔
’جہاں پہنچ چکے ہیں وہاں سے نکلنے کیلے بہت کام کرنا ہوگا‘
انہوں نے مزید کہا کہ ہم جہاں پہنچ چکے ہیں ہمیں اس صورتحال سے نکلنے کے لیے بہت کام کرنا ہوگا، جب کوئی ملک کا سربراہ خود بیرون ملک جاکر کہے گا کہ ہمارا ملک خسارے میں ہے تو کون پاکستان آکر سرمایہ کاری کرے گا، ایسے میں کوئی پاگل ہی ہوگا جو آکر سرمایہ کاری کرے۔
یہ بھی پڑھیں: اوپن مارکیٹ میں ڈالر کی قیمت میں 4 روپے اضافہ
اسحاق ڈار نے کہا کہ جاپان میں ڈیبٹ ٹو جی ڈی پی کی شرح 257فیصد ہے جبکہ امریکا کی شرح بھی بہت زیادہ ہے، کوئی ملک دنیا کے سامنے جاکر اس طرح اپنے ملک کے امیج کو نقصان نہیں پہنچاتا مگر ہم نے قسم کھا رکھی ہے کہ ملکی مفاد کو نقصان پہنچانا ہے۔
علاوہ ازیں انہوں نے سیلاب سے متعلق بات کرتے ہوئے کہا کہ سیلاب کی وجہ سے 20 لاکھ گھر متاثر ہوئے جبکہ 32 ارب 40 کروڑ ڈالرز کا نقصان ہوا اور ابتدائی اندازے کے مطابق سیلاب کے باعث 16.2 ارب ڈالرز کی ضرورت ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔