راولپنڈی میں دو روز قبل اغوا ہونے والی ڈیڑھ سالہ بچی بازیاب، خاتون گرفتار

 راولپنڈی: تھانہ صادق آباد کی پولیس نے 2 روز قبل اغوا ہونے والی ڈیڑھ سالہ بچی کو باحفاظت بازیاب کروا کے اغوا کار خاتون کو گرفتار کرلیا۔ 

راولپنڈی پولیس کے مطابق بازیاب ہونے والی ڈیڑھ سالہ بچی فرشتہ دو روز قبل اپنی کزن کے ساتھ دکان پر گی تھی جہاں سے نامعلوم خاتون ملزمہ نے بچی کو چھین کر فرار ہوئی تھی۔

پولیس نے ہیومن انٹیلیجنس کی مدد سے بچی کو ملزمہ کرن کے گھر سے برآمد کیا اور پھر سی پی او سید شہزاد ندیم بخاری نے باضابطہ طور پر بچی کو والدین کے حوالے کیا۔

صادق آباد کے علاقے سے اغواء ہونے والی بچی کو بازیاب کر لیا گیا ۔۔ pic.twitter.com/npYQQf85Ln

— Saleh Mughal (@SalehMughal) October 19, 2022

اس موقع پر اہل علاقہ نے راولپنڈی پولیس کو خراج تحسین پیش کرتے ہوئے پھولوں کی پتیاں نچھاور کی اور پولیس کے حق میں نعرے بازی بھی کی۔