بھارت کی ریاستی دہشتگردی، ایک اور کشمیری نوجوان شہید

سرینگر: مقبوضہ کشمیر میں بھارتی فورسز نے ایک اور نوجوان کو شہید کر دیا۔

کشمیر میڈیا سروس کے مطابق قابض بھارتی فورسز نے شوپیاں کے علاقے میں کشمیری نوجوان کو شہید کردیا۔نوجوان کو نام نہاد سرچ آپریشن کے دوران جعلی مقابلے میں شہید کیا گیا۔

شوپیاں اور دیگرعلاقوں کی ناکہ بندی کردی گئی ہے۔ بھارتی فوجیوں نے لوگوں کوزبردستی گھروں میں محصور کر دیا ہے۔گھر گھر تلاشی کے دوران متعدد نوجوانوں کو گرفتاربھی کرلیا گیا ہے۔علاقے میں موبائل اور انٹرنیٹ سروس بھی بند ہے۔

بھارتی مظالم اور مقبوضہ کشمیر کا خصوصی درجہ ختم کرنے کے خلاف کل مقبوضہ وادی میں ہڑتال کی جائے گی۔ بھارتی فورسز نے ستمبر میں 17 کشمیریوں کو شہید اور 140 کو گرفتار کیا تھا جبکہ چار گھروں کو دھماکا خیز مواد سے تباہ کیا گیا۔