انڈس ہائی وے پر کار حادثے میں عرب شہزادہ زخمی

ویب ڈیسک  بدھ 26 اکتوبر 2022
عرب شہزادہ مانجھند کے علاقے میں شکار کے لیے آیا تھا:فوٹو:ایکسپریس نیوز

عرب شہزادہ مانجھند کے علاقے میں شکار کے لیے آیا تھا:فوٹو:ایکسپریس نیوز

 کراچی: سندھ میں انڈس ہائی وے پر کار حادثے میں عرب شہزادے سمیت 3 افراد زخمی ہوگئے۔

انڈس ہائی وے کوٹری جامشورو سیکشن پر عرب شہزادے کی گاڑی حادثے کا شکار ہوگئی۔ عرب شہزادے کی گاڑی جامشورو سے سہون کی طرف جارہی تھی  کہ تیزرفتاری کے باعث سامنے سے آنے والی گاڑی سے ٹکرا گئی۔

حادثے کے نتیجے میں گاڑی میں سوار مبارک سالم، عبداللہ گتامی اور سہیل سعید شدید زخمی ہوگئے جنہیں سول اسپتال جامشورو منتقل کردیا گیا۔

موٹر وے پولیس کے مطابق  سہیل احمد کو تشویشناک حالت میں کراچی منتقل کردیا گیا۔ حادثے کے وقت عرب شہزادے کی گاڑی میں شکار کیے گئے نایاب نسل کے پرندے بھی موجود تھے۔ عرب شہزادہ مانجھند کے علاقے میں نایاب ہرن کے شکار کے لیے آیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔