ریلوے پولیس نے خاتون کو چلتی ٹرین کے نیچے آنے سے بچا لیا

 لاہور: ریلوے پولیس اہلکار نے ٹرین پر سوار ہوتے ہوئے پھسل کر گرنے والی مسافر خاتون کی جان بچا لی۔

خاتون کی ٹرین میں سوار ہونے کی ویڈیو سامنے آگئی ہے جس میں دیکھا جا سکتا ہے کہ خاتون اپنی فیملی کے ساتھ کراچی جانے والی ٹرین میں سوار ہونا چاہتی تھی کہ مسافر خاتون کا ٹرین پر سوار ہوتے ہوئے پاؤں پھسل گیا۔

پلیٹ فارم پر موجود ریلویز پولیس کے اے ایس آئی نے بروقت خاتون کی جان بچا لی۔

اے ایس آئی کی حاضر دماغی اور ذمہ داری کی بدولت خاتون حادثاتی طور پر ٹرین کے نیچے آنے سے بچ گئی، ریلویز پولیس نے مسافر خاتون کی جان بچانے کے ساتھ ساتھ خاتون کو باحفاظت ٹرین میں سوار بھی کروا دیا۔