طنزیہ ٹویٹ پر گلوکار علی ظفر کا زمبابوین صدر کو کرارا جواب

 لاہور: وزیراعظم شہباز شریف کے بعد معروف گلوکار علی ظفر نے بھی زمبابوے کے صدر ایمرسن ڈمبڈزو نانگاگوا کو پاکستانی کرکٹ ٹیم اور جعلی مسٹر بین سے متعلق طنزیہ ٹویٹ پر جواب دیا ہے۔

علی ظفر نے اپنے ٹویٹ میں قومی ٹیم کے لیے نیک خواہشات اور جیتنے کے عزم کا اظہار کرتے ہوئے لکھا ہے کہ پاکستان کی ٹیم یہاں سے واپس اپنی کارکردگی بہتر بنائے گی، دیکھ لینا اگلے میچ میں بابر اعظم اور محمد رضوان بہترین کھیل پیش کریں گے۔

Pakistan team will bounce back from here. Watch @babarazam258 and @iMRizwanPak play in the next match :) #WorldCup2022 #T20WorldCup #PakistanCricket https://t.co/KQo6oWciH4

— Ali Zafar (@AliZafarsays) October 28, 2022

واضح رہے کہ گزشتہ روز زمبابوے کرکٹ ٹیم کے ہاتھوں پاکستان کو شکست ہوئی تھی اس کے بعد زمبابوے کے صدر ایمرسن ڈمبڈزو نانگاگوا نے ٹویٹر پر ایک پیغام جاری کرتے ہوئے اپنی ٹیم کو پاکستان کے خلاف جیت کی مبارکباد دی۔

اس ٹویٹ میں زمبابوے کے صدر نے پاکستان کو پیغام دیتے ہوئے یہ بھی تحریر کیا تھا کہ ’آئندہ اصلی مسٹر بین بھیجیں‘۔

شہباز شریف نے زمبابوین صدر کو جواب دیتے ہوئے لکھا تھا کہ ہمارے پاس اصلی مسٹر بین نہیں لیکن ہمارے پاس اصل کرکٹ کا جذبہ ہے۔

وزیراعظم شہباز شریف نے خوشگوار انداز میں مزید لکھا تھا کہ ہم پاکستانیوں کو واپس آنے کی مضحکہ خیز عادت ہے۔