جامعہ اردو:عبدالحق کیمپس میں27 اور 28مارچ کوتعطیل ہوگی

کراچی: وفاقی اردو یونیورسٹی کے رجسٹرار پروفیسر ڈاکٹر فہیم الدین کے مطابق جامعہ اردو کے عبدالحق کیمپس میں 27 اور 28مارچ کوتعطیل رہے گی۔

اس دوران ہونے والے تمام امتحانا ت بھی ملتوی کردیے گئے ہیں٭ جامعہ کراچی کے ناظم امتحانات کے مطابق بی ایس سی (پاس) سال اول ودوئم باٹنی کے پریکٹیکل امتحانات 2013 برائے (لیفٹ اوور کینڈیڈیٹس) یکم تا4 اپریل تک صبح ساڑھے9 تا ساڑھے12 بجے شعبہ باٹنی میں منعقد ہوں گے٭ جامعہ کراچی کے ناظم امتحانات کے مطابق ایم اے اور ڈبل ایم اے پرائیویٹ کے ضمنی امتحانی فارم جمع کرانے کی تاریخ میں بغیر لیٹ فیس کے توسیع کردی گئی ہے، طلبا امتحانی فارم4 اپریل تک 2700 روپے فیس برائے سال اول/ دوئم جمع کراسکتے ہیں، جوطلبا 2006 میں رجسٹرڈ ہوئے تھے ۔

انھیں امتحانی فیس کے علاوہ 5ہزار روپے اضافی چارجز اداکرنا ہونگے٭ جامعہ کراچی کے شعبہ علوم اسلامیہ کے تحت آج جمعرات27 مارچ کو تقابل ادیان کے عنوان سے توسیعی لیکچرز کا انعقاد کیا گیا ہے جس کی صدارت ڈین فیکلٹی آف اسلامک اسٹڈیز پروفیسر ڈاکٹر محمد شکیل اوج کریںگے جبکہ المصطفیٰ ویلفیئر سوسائٹی کے بانی اور رکن سنڈیکیٹ حاجی حنیف طیب مہمان خصوصی ہونگے٭ جامعہ کراچی کے شعبہ بین الاقوامی تعلقات کے زیراہتمام2 روزہ تربیتی ورکشاپ بعنوان ’’ریسرچ میتھڈولوجی‘‘ پیر31 مارچ کو صبح سوا 9 بجے سماعت گاہ کلیہ فنون میں منعقد ہوگی، افتتاحی اجلاس کی صدارت شیخ الجامعہ پروفیسر ڈاکٹر محمد قیصر کریںگے جبکہ رئیس کلیہ فنون پروفیسر ڈاکٹر مونس احمر، ڈاکٹر مطاہر احمد اور ورکشاپ کوآرڈی نیٹرپروفیسرڈاکٹر انیلا امبر ورکشاپ سے کلیدی خطاب کریںگی۔