لاہور میں ڈیجیٹل چالان سروس کا آغاز

لاہور میں ٹریفک پولیس کی طرف سے ڈیجیٹل چالان سروس کا آغاز کردیا گیا ہے۔

سی ٹی او لاہور ڈاکٹر اسد ملہی نے مال روڈ پر میئنول چلان کی بجائے ڈیجیٹل چلان سسٹم کا افتتاح کیا، اس موقع پر گفتگو کرتے ہوئے ان کا کہناتھا کہ ابتدائی طور پر ٹریفک سیکٹر مال ون، مال ٹو اور مال تھری سے سسٹم کا آغاز کیا جارہا ہے۔

ان کا کہنا تھا کہ ڈیجیٹل چالان کا مقصد پیپرلیس چلاننگ پر منتقل ہونا ہے، ڈیجیٹل چلاننگ سے جعلی اور بوگس چالان کی شکایات کا خاتمہ ہوگا، ڈیجیٹل چلاننگ سے ٹرانسپرنسی اور رئیل ٹائم انفارمیشن کا حصول ممکن ہوگا۔

ڈاکٹر اسد ملہی کا مزید کہنا تھا ڈیجیٹل چلاننگ سے چالان بکوں کی چھپائی سمیت دیگر وسائل کی بچت ممکن ہوگی، ڈیجیٹل چلاننگ میں چالان برخلاف پرسن اور گاڑی دونوں ہونگے، کتنے چلان، کس جگہ اور کس خلاف وزری پر کئے گئے، سب کا ڈیٹا محفوظ ہوگا۔

ان کا کہناتھا کہ  چلان برخلاف پرسن کرنے سے پوائنٹ سسٹم رائج کرنے میں آسانی ہوگی، تمام چلاننگ افسران کے موبائل فونز میں ایپ ڈاؤن لوڈ کی جائے گی۔

سی ٹی او لاہور کا مزید کہنا تھا کہ چالان کی صورت میں شہری کو فوری 8070 کیطرف چالان کا پیغام موصول ہوگا، ایپ میں گاڑی نمبر یا شناختی کارڈ نمبر درج کرنے سے تمام انفارمیشن آٹوفل ہوجائے گی، وارڈنز ڈیجیٹل موبائل ایپ ایکسائز، سی آر او، اے وی ایل ایس، روٹ پرمٹ اور فٹنس سرٹیفکیٹ ایپ سے منسلک ہوگی، مستقبل میں ڈرائیور اور گاڑی کے کریمنل ریکارڈ کی رسائی کو بھی یقینی بنایا جائے گا۔

تقریب میں ایس پی ٹریفک آصف صدیق، ایس پی سٹی شہزاد خان، ڈی ایس پی اشفاق احمد اور ڈی ایس پی فرخ رئیس سمیت پنجاب انفارمیشن ٹیکنالوجی کے عہدیداران بھی شریک ہوئے۔