تعلیمی اداروں میں منشیات فروخت کرنے والا ملزم رنگے ہاتھوں گرفتار

ویب ڈیسک: پنجاب کے علاقے نیاز بیگ میں پولیس نے کارروائی کر کے تعلیمی اداروں میں طالب علموں کو منشیات فروخت کرنے والے شخص کو گرفتار کرلیا۔

ایکسپریس نیوز کے مطابق ہنجروال میں تھانہ چوکی نیاز بیگ پولیس نے کارروائی کرتے ہوئے منشیات فروش صفدر عرف کالا کو گرفتار کیا، جس کے قبضے سے موقع پر ہی 1 کلو 80 گرام سے زیادہ چرس برآمد ہوئی۔

چوکی انچارج میاں انیس نے بتایا کہ ملزم منشیات فروشی کے کیسز میں ریکارڈ یافتہ ہے، جس کے خلاف پہلے بھی مختلف تھانوں میں مقدمات درج ہیں۔ انہوں نے بتایا کہ مقدمہ درج کرنے کے بعد ملزم کو انویسٹی گیشن ونگ کے حوالے کردیا گیا ہے۔

ایس پی صدر نے کہا کہ منشیات فروشوں کے خلاف زیرو ٹالرنس پالیسی پر عمل پیرا ہیں۔