ویڈیو وائرل ہونے پر بوڑھی مقروض خاتون کیلیے لاکھوں ڈالرز کے عطیات جمع
انتہائی بزرگی میں والمارٹ کی ملازمہ نولا الون کا ہدف 10ہزار ڈالر تھا لیکن 24 گھنٹے میں ایک لاکھ ڈالر سے زائد جمع ہوگئے
امریکا میں بڑھاپے کے باوجود والمارٹ سپر اسٹور پر ملازمت کرنے والی خاتون کی چند سیکنڈ کی ویڈیو کے جواب میں دولاکھ ڈالر تک کی رقم جمع ہوچکی ہے۔ فوٹو: بورڈ پانڈا
بڑھاپے کے باوجود سخت مشقت کرنے والی بزرگ خاتون کی 15 سیکنڈ کی ویڈیو کے بعد لوگوں نے ان کے لیے عطیات کےڈھیر لگادیئے اور اب تک ایک لاکھ 80 ہزار ڈالر سے زائد رقم جمع ہوچکی ہے۔
نولا الون اس وقت ریٹائرمنٹ کی عمر سے بھی گزرچکی ہیں لیکن اپنے مکان کا قرض اتارنے کےلیے والمارٹ پر کام کررہی ہیں۔ ایک ٹک ٹاکر ڈیوِن بوناگیورا نے نے ان پر 15 سیکنڈ کی ویڈیو بنا کر اپ لوڈ کی تو دنیا بھر میں اسے دوکروڑ نوے لاکھ افراد نے دیکھا اور دلگرفتہ ہوگئے۔
اس ویڈیو میں اطراف سےبے خبر نولا والمارٹ کا لباس پہنے ہوئے، اپنی گود کی جانب بے بسی سے دیکھ رہی ہیں۔ اس ویڈیو پر ڈیون نے لکھا کہ زندگی اتنی سخت نہیں ہونی چاہیے۔
جب ڈیون نے ٹک ٹاک پر ویڈیو اپ لوڈ کی تو لاکھوں کروڑوں افراد نے اسے دیکھا اور سب کی رائے تھی کی انٹرنیٹ پر عطیات کی ویب سائٹ 'گوفنڈمی' پرخاتون کی مدد کا اکاؤنٹ بنایا جائے۔ اس کے بعد گو فنڈ می پر نولا کی مدد کا اکاؤنٹ بنایا گیا تھا اور ابتدائی اندازے کے تحت 10 ہزار ڈالر کی رقم رکھی گئی تھی۔ لیکن صرف 24 گھنٹےمیں ایک لاکھ ڈالر کی رقم جمع ہوگئی اور اب یہ رقم ایک لاکھ چھیاسی ہزار ڈالر سے تجاوز کرچکی ہے۔ اس طرح کل چار کروڑ روپے سے زائد کے عطیات دیئے جاچکے ہیں۔
واضح رہے کہ نولا کو اپنے گھر کی قسطوں کی مد میں اب بھی 60 ہزار ڈالر ادا کرنے ہیں۔ لیکن اس دوران والمارٹ کی انتظامیہ نے خاتون سے کہا کہ وہ ڈیون سے ویڈیو اور گو فنڈمی کا اکاؤنٹ ختم کرنے کو کہیں کیونکہ لوگ ان پر تنقید کررہےہیں۔ تاہم اس سے قبل ہی ان کے لیے ضرورت سے کہیں زائد رقم جمع ہوچکی ہے اور اب انہیں مزید کسی نوکری کی ضرورت بھی نہیں ہے۔
نولا الون اس وقت ریٹائرمنٹ کی عمر سے بھی گزرچکی ہیں لیکن اپنے مکان کا قرض اتارنے کےلیے والمارٹ پر کام کررہی ہیں۔ ایک ٹک ٹاکر ڈیوِن بوناگیورا نے نے ان پر 15 سیکنڈ کی ویڈیو بنا کر اپ لوڈ کی تو دنیا بھر میں اسے دوکروڑ نوے لاکھ افراد نے دیکھا اور دلگرفتہ ہوگئے۔
اس ویڈیو میں اطراف سےبے خبر نولا والمارٹ کا لباس پہنے ہوئے، اپنی گود کی جانب بے بسی سے دیکھ رہی ہیں۔ اس ویڈیو پر ڈیون نے لکھا کہ زندگی اتنی سخت نہیں ہونی چاہیے۔
جب ڈیون نے ٹک ٹاک پر ویڈیو اپ لوڈ کی تو لاکھوں کروڑوں افراد نے اسے دیکھا اور سب کی رائے تھی کی انٹرنیٹ پر عطیات کی ویب سائٹ 'گوفنڈمی' پرخاتون کی مدد کا اکاؤنٹ بنایا جائے۔ اس کے بعد گو فنڈ می پر نولا کی مدد کا اکاؤنٹ بنایا گیا تھا اور ابتدائی اندازے کے تحت 10 ہزار ڈالر کی رقم رکھی گئی تھی۔ لیکن صرف 24 گھنٹےمیں ایک لاکھ ڈالر کی رقم جمع ہوگئی اور اب یہ رقم ایک لاکھ چھیاسی ہزار ڈالر سے تجاوز کرچکی ہے۔ اس طرح کل چار کروڑ روپے سے زائد کے عطیات دیئے جاچکے ہیں۔
واضح رہے کہ نولا کو اپنے گھر کی قسطوں کی مد میں اب بھی 60 ہزار ڈالر ادا کرنے ہیں۔ لیکن اس دوران والمارٹ کی انتظامیہ نے خاتون سے کہا کہ وہ ڈیون سے ویڈیو اور گو فنڈمی کا اکاؤنٹ ختم کرنے کو کہیں کیونکہ لوگ ان پر تنقید کررہےہیں۔ تاہم اس سے قبل ہی ان کے لیے ضرورت سے کہیں زائد رقم جمع ہوچکی ہے اور اب انہیں مزید کسی نوکری کی ضرورت بھی نہیں ہے۔