بہو کیساتھ زیادتی؛  سسر کو 10 سال قید، ایک لاکھ جرمانے کی سزا

ویب ڈیسک  ہفتہ 19 نومبر 2022
مجرم کو جرمانہ ادا نہ کرنے پر مزید 6 ماہ قید بھگتنا ہوگی، عدالت کا حکم

مجرم کو جرمانہ ادا نہ کرنے پر مزید 6 ماہ قید بھگتنا ہوگی، عدالت کا حکم

 راولپنڈی: بہو کے ساتھ جبری زیادتی کرنے والے سسر کو 10 سال قید اور ایک لاکھ جرمانے کی سزا سنادی گئی۔

ایکسپریس نیوز کے مطابق ایڈیشنل سیشن جج احسن محمود ملک نے بہو کے ساتھ جبری زیادتی کیس کا فیصلہ سنا دیا، جس کے مطابق متاثرہ خاتون کے سسر کو 10 سال قیداور ایک لاکھ روپے جرمانہ کی سزا سنائی گئی ہے۔

عدالتی فیصلے کے بعد پولیس نے مجرم کو کمرہ عدالت سے گرفتار کر لیا۔ حکم کے مطابق مجرم امیر زمان کو جرمانہ ادا نہ کرنے پر مزید 6 ماہ قید بھگتنا ہوگی۔ عدالت نے قرار دیا کہ مجرم نے رشتے کی توہین کی ہے، رعایت دینا ظلم ہوگا۔

واضح رہے کہ تھانہ صدر بیرونی نے بہو مسماۃ ثوبیہ بی بی کی درخواست پر 9 فروری 2020 کو مقدمہ درج کیا تھا، جس میں کہا گیا تھا کہ شوہر محنت مزدوری کرنے جاتا تو سسر جبری طور پر زیادتی کا نشانہ بناتا تھا۔ خاتون کا مؤقف تھا کہ زیادتی کے باعث ہم اپنا گھر چھوڑ کر کرائے پر چلے گئے، مگر  مجرم وہاں بھی آجاتا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔