فیفا ورلڈ کپ فلسطینی پرچم لہرا دیے گئے اسرائیلی صحافی کو شرمندگی اٹھانا پڑ گئی
صحافی نے اپنا تعارف بطور اسرائیلی کروایا، جس پر شائقین واپس پلٹ گئے (تصاویر؛ سوشل میڈیا)
یہ خبر بھی پڑھیں: تاریخ کے مہنگے ترین فیفا ورلڈکپ 2022 کا آغاز
قطر کے دارالحکومت دوحا میں ایک صحافی کو شائقین سے بات کرتے ہوئے اُس وقت سخت شرمندگی اٹھانا پڑ گئی، جب اس نے اپنا تعارف بطور اسرائیلی کروایا۔ سماجی رابطوں کی ویب سائٹ ٹوئٹر پر وائرل ویڈیو میں دیکھا جا سکتا ہے کہ ایک شخص نے اپنا اسرائیلی صحافی کے طور پر تعارف کرواتے ہوئے شائقین سے گفتگو کی کوشش کی اور اسے سبکی اٹھانا پڑ گئی۔
"It's Filisteen, FILISTEEN"
دریں اثنا دوحا میں ورلڈ کپ کا بھرپور جوش نظر آ رہا ہے، جگہ جگہ شائقین اپنے جوش و خروش کا مختلف انداز سے مظاہرہ کررہے ہیں۔ اسی دوران ایک اسرائیلی ٹی وی کی براہ راست نشریات میں فٹبال شائقین نے نہ صرف فلسطینی پرچم لہرا دیے بلکہ اسرائیل کے خلاف اور فلسطین کے حق میں نعرے بھی لگائے۔
اس واقعے کے علاوہ بھی قطر میں فٹبال ورلڈ کپ کے دوران مختلف ممالک سے تعلق رکھنے والے شائقین اظہار یکجہتی کے لیے فلسطینی پرچم لہرانے کے ساتھ فلسطین کے حق میں نغمے بھی گا رہے ہیں۔ سماجی رابطوں کی ویب سائٹس پر ایسے واقعات کی ویڈیوز تیزی سے وائرل ہورہی ہیں، جس میں صارفین فلسطین کے خلاف اسرائیلی جارحیت پر اپنے ردعمل کا اظہار کررہے ہیں۔
Football fans wave Palestinian flags ahead of World Cup 2022