مکہ، مدینہ اور دیگرشہروں میں نماز استسقا کے بعد ابر رحمت برس پڑا

مکہ مکرمہ ، مدینہ منورہ اور دیگر شہروں میں نماز استسقا کے بعد ابر رحمت برس پڑا۔

سعودی میڈیا کے مطابق مکہ مکرمہ، مدینہ منورہ سمیت دیگر شہروں میں موسلا دھاربارش ہوئی۔ پانی جمع ہونے کے باعث مکہ ۔ جدہ ہائے وے کو عارضی طور پر بند کردیا گیا۔

Vue impressionnante des fortes pluies et vents violents suivis d'inondations dans la ville de #Jeddah ce matin. pic.twitter.com/wLAeyQgjCR

— Saudi News FR  (@SaudiNewsFR) November 24, 2022

جدہ میں طوفانی بارش کے بعد تعلیمی ادارے بند کردئیے گئے ہیں اور متعلقہ اداروں کو الرٹ رہنے کی ہدایت کی گئی ہے۔سعودی وزارت حج و عمرہ  کی جانب سے جاری ایڈوائزری میں زائرین اورعام لوگوں سے کہا گیا ہے کہ جدہ ائیرپورٹ پر آنے سے قبل متعلقہ ائیرلائن سے فلائٹ کا اسٹیٹس معلوم کریں۔

مزید پڑھیں: بارش کے لیے حرمین شریفین میں نماز استسقا ادا

شدید بارش کی وجہ سے پروازوں کا شیڈول متاثر ہوا ہے اور متعدد پروازیں منسوخ کی  گئیں یا روانگی اور آمد میں تاخیر ہوئی۔کچھ روز قبل خادم حرمین شریفین کی ہدایت پر سعودی عرب میں بارش کے لیے نماز استسقا ادا کی گئی تھی۔