عاقب جاوید نے ابراراحمد اور محمد علی کی سلیکشن پر سوالات اٹھا دیے

اسپورٹس رپورٹر  ہفتہ 26 نومبر 2022
میرحمزہ اور فواد عالم کے عدم انتخاب پر حیرت کا اظہار فوٹو: فائل

میرحمزہ اور فواد عالم کے عدم انتخاب پر حیرت کا اظہار فوٹو: فائل

 لاہور:  عاقب جاوید نے ابرار احمد اور محمد علی کی سلیکشن پر سوالات اٹھا دیے۔

ایک انٹرویو میں سابق پیسر عاقب جاوید نے کہاکہ ابرار نے صرف حالیہ سیزن میں ہی عمدہ پرفارم کیا، مسٹری اسپنرز ٹی ٹوئنٹی فارمیٹ میں ہی کامیاب ہوتے ہیں، انھیں ٹیسٹ کرکٹ میں پرفارم کرتے کم ہی دیکھا ہے۔

انھوں نے کہا کہ محمد علی ایک عام سے فاسٹ بولر ہیں،ان کو اسپیشل کیس کے طور پر نہیں لیا جا سکتا، حیرت ہے کہ میر حمزہ پر محمد علی کو ترجیح دی گئی۔

عاقب نے کہا کہ فواد عالم بڑے اسکور کرنے کی صلاحیت رکھتے ہیں، موجودہ بیٹرز میں ان کی سنچریوں کا تناسب بھی دیگر سے زیادہ ہے، انھیں ڈراپ کرنا حیران کن ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔