والد کا انتقال ہوا تو جنازے کے پیسے بھی نہیں تھے سلیم خان نے مدد کی، ساجد خان

ممبئی: بالی ووڈ کے ڈائریکٹر  اور بگ باس  کے امیدوار ساجد خان نے انکشاف کیا ہے کہ جب ان کے والد کا انتقال ہوا تو آخری رسومات کے انتظامات سلمان خان کے والد  سلیم خان نے کیے۔

بگ باس میں ایک لڑائی کے بعد جذباتی ہوکر بات کرتے ہوئے ساجد خان نے بتایا کہ میں ہمیشہ سے امیر نہیں تھا۔ ہدایتکار نے کہا ’14 سال کی عمر میں میرے والد کا انتقال ہوگیا تھا، شراب پینے کی وجہ سے ان کا جگر پھٹ گیا تھا، میری آنکھوں کے سامنے ان کی ناک اور منہ سے خون نکلتے دیکھا  پھر وہ ہمیں چھوڑ کر چلے گئے‘۔

ساجد خان نے بتایا ’میں روتا ہوا کبھی ایک رشتہ دار کے گھر جاتا، کبھی دوسرے، کیونکہ آخری رسومات ادا کرنے کے لیے میرے پاس پیسے نہیں تھے، ایک رشتہ دار کے ہاں گیا تو میں نے اپنے کانوں سے سُنا،انہوں نے اپنے ملازم سے کہا اسے کہو میں گھر پر نہیں ہوں‘۔

ہدایتکارنے انکشاف کیا کہ ’اس وقت جنازے کے انتظامات سلمان کے والد سلیم انکل نے کیے اور جنازہ ہوجانے کے بعد انہوں نے میرے ہاتھ میں کچھ پیسے بھی دیے جن سے میں گھر کا راشن لے کر گیا اور بجلی کا بل ادا کیا‘۔

#ArchanaGautam this season will be known by her name 💯 only one who goes against #SajidKhan without being afraid of his position & power 👏🏻
Fabulous #ArchanaGuatam #BiggBoss16 pic.twitter.com/Nh0wPuCKXU

— Aɱɾιƚα Aɾσɾα (@a46817283) November 22, 2022

یاد رہے کہ ساجد خان بگ باس میں بطورِ  امیدوار شرکت کر رہے ہیں تاہم بھارت میں انہیں بگ باس کا حصہ بننے پر شدید تنقید کا سامنا ہے اورسب انہیں شو نے نکالنے کا مطالبہ کر رہے ہیں۔