عمران خان کے سارے پلان ناکام ہوگئے، مریم نواز

پاکستان مسلم لیگ (ن) کی نائب صدر مریم نواز نے عمران خان کے سارے پلان بری طرح سے ناکام ہوگئے۔

ایکسپریس نیوز کے مطابق مسلم لیگ ن کی نائب صدر مریم نواز نے پی ٹی آئی کے پنڈی جلسے پر بغیر نام لیے ردعمل دیتے ہوئے کہا کہ ’یہ ناکام ترین لانگ مارچ ہے،ایک کے بعد ایک ڈرامہ اور جھوٹ سامنے آگیا‘۔

انہوں نے کہا کہ سچ یہی ہے کہ عمران کا 9 سالہ پلان، سازش کے ذریعے حکومت ختم کرنے کا پلان، اپنا من پسند چیف لانے کا پلان،چیف کی تقرری میں رخنہ ڈالنے کا پلان، نئے چیف کو متنازع بنانے کا پلان سب بری طرح سے فیل ہوگئے۔

مریم نواز نے لکھا کہ سازشیوں کے پلان ناکام ہوتے اور اُن کا انجام یہی ہوتا ہے۔